Latest Marathi News

विरोधी पक्षातील सदस्यांचा विरोध : आदल्या दिवशी दिले टिपणलोकमत न्यूज नेटवर्कगोंदिया : आमसभेतील विषयांचे टिपण ऐनवेळी आदल्या दिवशी देण्यात आल्याच्या मुद्यावरून विरोधी पक्षातील सदस्यांनी नगर परिषदेच्या पहिल्याच आमसभेत विरोध दर्शवित कामकाज होऊ दिले नाही. परिणामी सोमवारी (दि.८) आमसभा तहकूब करण्यात आली व आता ही आमसभा मंगळवारी (दि.९) घेतली जाणार आहे.माजी नगराध्यक्ष कशिश जायस्वाल यांनी १० सप्टेंबर रोजी शेवटची आमसभा घेतली होती. त्यानंतर आता नवा कार्यकाळ सुरू झाला असून विद्यमान नगराध्यक्ष अशोक इंगळे यांची ही पहिलीच आमसभा होती. ७१ विषयांना घेऊन बोलाविण्यात आलेल्या आमसभेतील विषयांची टिपणी काही नगरसेवकांना आमसभेच्या एका दिवसापूर्वी रविवारी मिळाली. ७१ विषयांचा अभ्यास करण्याचा वेळही सदस्यांना मिळाला नाही. यामुळे कॉंग्रेसचे नगरसेवक सुनील भालेराव, शकील मंसूरी, शिवसेनेचे राजकुमार कुथे, बहुजन समाज पक्षाचे पंकज यादव, कल्लू यादव यांनी विरोध केला. तसेच काही विषय सदस्यांच्या न विचारता घेण्यात आल्यानेही सदस्यांनी आपली नाराजगी दर्शवित कामकाज होऊ दिले नाही.यावेळी सत्तापक्षातील काही सदस्य व पदाधिकाऱ्यांनी कामकाज होऊ देण्याबाबत म्हटले. मात्र विरोधी पक्षातील सदस्यांनी पूरजोर पणे आपला विरोध मांडत कामकाज सुरू होऊ दिले नसल्याची माहिती आहे. परिणामी सोमवारची (दि.८) आमसभा तहकूब करावी लागली. विशेष म्हणजे, आमसभेसाठी तयार करण्यात आलेल्या विषयसूचीतील विषयांना घेऊनही काही सदस्यांनी आपली नाराजगी व्यक्त केली.पालिके तीलपहिलीच घटनाआमसभा कामकाज सुरू न होता तहकूब होणे ही पालिकेच्या इतिहासातील पहिलीच घटना असावी समजते. यापूर्वी कित्येक सभा झाल्या त्यांत गोंधळ व खटकेही उडाले मात्र कामकाज सुरू झाले होते. यंदा मात्र विरोधी पक्षातील सदस्यांनी कामकाज सुरू न होऊ देता सभा तहकूब करवून घेतली. ही आतापर्यंंतची पहिलीच घटना असावी असे काहींनी सांगीतले. विशेष म्हणजे पालिकेच्या निवडणुका झाल्यानंतर नव्या कार्यकाळातील ही पहिलीच आमसभा होती. आता ही सभा मंगळवारी (दि.९) बोलाविण्यात आली असून या सभेत काय घडते याकडे सर्वांचे लक्ष लागले आहे.

'छावा' सिनेमात छत्रपती संभाजी महाराजांना नृत्य करताना दाखवल्याने वाद निर्माण झाला आहे. ...

ताराबाई पार्कात आढळला वेगळा वृक्ष : डॉ. बाचूळकर यांनी पटवली ओळख ...

प्राजक्ताने नुकतंच हिरव्या रंगाच्या ड्रेसमध्ये ग्लॅमरस फोटोशूट केलं आहे. याचे फोटो तिने शेअर केले आहेत. ...

प्रसिद्ध बॉलिवूड प्लेबॅक सिंगर दर्शन रावलने मुंबईत स्वत:चं घर घेतलं आहे. नुकताच तो या नव्या घरात शिफ्ट झाला आहे. ...

First GBS Death in Maharashtra: गुइलेन-बॅरे सिंड्रोम गंभीर असू शकतो; परंतु योग्य उपचारांनी लोक बरे होऊ शकतात ...