Latest Marathi News

Agriculture News : केंद्रीय कृषी आणि शेतकरी कल्याण आणि ग्रामीण विकास मंत्री शिवराज सिंह चौहान यांनी देशात ऊस संशोधनासाठी भारतीय कृषी संशोधन परिषदेत (आयसीएआर) एक समर्पित पथक स्थापन करण्याची घोषणा केली. हे पथक ऊस धोरणावरही काम करेल. रुरल व्हॉइस आणि राष्ट्रीय सहकारी साखर महासंघ यांनी आयसीएआरच्या सहकार्याने आयोजित केलेल्या ऊस अर्थव्यवस्थेवरील राष्ट्रीय चर्चेला ते संबोधित करत होते.चव्हाण म्हणाले की उसाच्या 238 वाणांमध्ये साखरेचे प्रमाण चांगले आहे, परंतु त्यात रेड रॉट रोगाचा धोका आहे. पर्याय विकसित करण्यासाठी त्यांनी एकाच वेळी अनेक वाणांवर काम करण्याची गरज अधोरेखित केली. नवीन वाणांमुळे अनेकदा नवीन रोगांचे धोके संभवतात, त्यामुळे रोगांवर नियंत्रण ठेवणे हे एक महत्त्वाचे आव्हान आहे असे ते म्हणाले.एकच पीक घेतल्यामुळे अनेक समस्या उद्भवतात, यात पोषक तत्वे कमी होणे आणि नायट्रोजन स्थिरीकरणातील मर्यादा यांचा समावेश आहे. एकच पीक घेण्याऐवजी आंतरपीक घेणे किती व्यवहार्य आहे, याचे काळजीपूर्वक मूल्यांकन करणे आवश्यक आहे. ऊस शेतीमध्ये उत्पादन वाढवणे आणि यांत्रिकीकरण करणे, खर्च कमी करणे आणि जास्तीत जास्त साखर मिळवणे यावर लक्ष केंद्रित केले पाहिजे, असेही त्यांनी नमूद केले. नवीन उत्पादने विकसित करणे आवश्यक कृषी मंत्र्यांनी जैविक उत्पादनांचे महत्त्व देखील अधोरेखित केले. इथेनॉल आणि मळी यांचे सुस्थापित उपयोग आहेत, परंतु शेतकऱ्यांचा नफा वाढविण्यासाठी नवीन मूल्यवर्धित उत्पादने विकसित करणे आवश्यक आहे असे त्यांनी नमूद केले. खतांवरील अवलंबित्व कमी करण्यास मदत करण्यासाठी नैसर्गिक शेतीची क्षमता देखील त्यांनी अधोरेखित केली.शेतकऱ्यांचे पैसे वेळेवर द्या चव्हाण पुढे म्हणाले की, शेतकऱ्यांना ऊसाचे पैसे उशिरा मिळत असल्याच्या तक्रारी खऱ्या आहेत. साखर कारखान्यांच्या स्वतःच्या समस्या आहेत, परंतु पैसे उशिरा मिळाल्यास शेतकरी तोट्यात राहतात. त्यांनी कृषी कामगारांच्या अनुपलब्धतेकडेही लक्ष वेधले. शिवाय मी आयसीएआरला ऊस संशोधनासाठी एक स्वतंत्र पथक स्थापन करण्याची विनंती करतो, ज्यामध्ये व्यावहारिक मुद्द्यांवर लक्ष दिले जाईल. संशोधन शेतकरी आणि उद्योग दोघांसाठीही फायदेशीर असायला हवे, असे ते म्हणाले.

सध्या कलाकार मंडळी हे आपल्या अभिनयासह सोशल मीडियावरील रिल्समुळे जास्त चर्चेत असतात. ...

Steve Smith Century, SL vs AUS 1st Test : श्रीलंकेविरूद्धच्या पहिल्या कसोटीच्या पहिल्याच दिवशी स्टीव्ह स्मिथने दमदार शतक ठोकले ...

महाकुंभाच्या संगम परिसरात झालेल्या चेंगराचेंगरीत १० हून अधिक लोकांचा मृत्यू झाला आणि अनेक जण जखमी झाले आहेत. ...

मुलुंडमधील मिठागराच्या जागा धारावी पुनर्विकास प्रकल्पासाठी देण्यास स्थानिक रहिवाशांचा विरोध कायम आहे. ...

'सेलिब्रिटी मास्टरशेफ'साठी निक्कीनं तगडं मानधन घेतलं आहे. ...

आगामी हंगामासाठी राजस्थान रॉयल्सच्या संघानं आपली नवी जर्सी लॉन्च केली आहे. ...

सौदी अरेबियात झालेल्या रस्ते अपघातात नऊ भारतीयांचा मृत्यू झाला आहे. ...