Latest Marathi News

गोंदिया : जिल्ह्यात गेल्या तीन दिवसांपासून पावसाची संततधार कायम आहे. शनिवारी (दि.२६) पहाटे ५ ते सकाळी ९ वाजता दरम्यान झालेल्या मुसळधार पावसानेे गोंदिया शहरासह जिल्हा जलमय केला. चार तासाच्या पावसाने शहरातील रस्त्यांना तलावाचे स्वरुप आलेहोते. तर आठ ते दहा वस्त्यांमध्ये पाणी साचल्याने नागरिकांची तांराबळ उडाली होती. तर गेल्या चौवीस तासात ५४.६ मिमी पाऊस झाला असून तीन तालुक्यात अतिवृष्टीची नोंद झाली आहे. संततधार पावसामुळे जिल्ह्यातील पुजारीटोला, कालीसरार, शिर पूरबांध धरणाच्या पाणी पातळीत वाढ झाल्याने या धरणाचे दरवाजे उघडण्यात आले. जिल्ह्यात काही भागात पावसाचा जोर कायम असल्याने धरणाची पाणी पातळी नियंत्रणात ठेवण्यासाठी मोठ्या प्रमाणातपाण्याचा विसर्ग सुरु आहे. त्यामुळे जिल्ह्यातील नदीकाठच्या ९५ गावातील नागरिकांना सतर्कतेचा इशारा दिला आहे. हवामान विभागानेजिल्ह्यात पुढील चोवीस तासात मुसळधार पावसाचा इशारा दिला आहे. पावसाचा जोर कायम असल्याने जिल्हाधिकारी प्रजित नायर यांनी शनिवारी (दि.२६) जिल्ह्यातील सर्व शाळांना सुटी जाहीर केली.शहरातील वस्त्यांमध्ये साचले पाणीजिल्ह्यात गेल्या तीन दिवसांपासून पावसाचा जोर कायम आहे. शनिवारी पहाटे ५ वाजतापासून जोरदार पावसाला सुरुवात झाली. सकाळी९ वाजतापर्यंत पावसाचा जोर कायम होता. चार तासाच्या मुसळधार पावसाने अख्खे गोंदिया शहर जलमय झाल्याचे चित्र होते तर रस्त्यांना तलावाचे स्वरुप आले होते. शहरातील न्यू लक्ष्मीनगर, छोटा गोंदिया, सिव्हिल लाईन, सिंधी काॅलनी, परमात्मा एक नगर, सूर्याटोला, राणी अवंतीबाई चौक व गोरेलाल चौक परिसरातील रस्त्यांवर मोठ्या प्रमाणात पाणी साचले होते. तर सखल भागातील वस्त्यांमध्ये रस्त्यावरील पाणी साचल्याने नागरिकांची तारांबळ उडाली होती.मेडिकल, बीजीडीब्ल्यू रुग्णालयाच्या आवारात साचले पाणीशनिवारी सलग चार तास झालेल्या पावसामुळे शहरातील शासकीय वैद्यकीय महाविद्याल (मेडिकल), बाई गंगाबाई महिला रुग्णालयाच्या आवारात मोठ्या प्रमाणात पाणी साचले होते. त्यामुळे रुग्णालयात उपचारासाठी जाणाऱ्या रुग्णांना याचा फटका बसला. शहरवासीयांनी फोडले नगर परिषदेवर खापरपावसाळ्यापुर्वी शहरातील नाल्यांची साफसफाई करण्यात आली नाही. तर अनेक नाल्यांवर काही जणांना अतिक्रमण केले आहे. परिणामी पाण्याचा योग्य निचरा होत नसल्याने रस्त्यावरील पाणी नागरिकांच्या घरांमध्ये साचले. त्यामुळे नुकसान झाल्याने शहरवासीयांनी नगर परिषदेवर रोष व्यक्त करीत संताप व्यक्त केला.जिल्ह्यातील १७ मार्ग बंद काही गावांचा तालुका मुख्यालयाशी संपर्क तुटलादेवरी तालुक्यातील डवकी ते शिला पूर , आवरीटोला ते गोटाबोडी, पिंडकेपार ते गोटाबोडी, मुरदोली ते आमगाव, देवरी ते बिल्लारगोंदी चिचेवाडा, अर्जुनी मोरगाव तालुक्यातील रामपुरी ते धाबेपवणी, कवठा ते येरंडी, सिलेझरी ते एरंडी, मांडोखाल ते बोरी, महालगाव ते वडेगाव, सुरगाव ते मुंगली, बोंडगावदेवी ते बाराभाटी, आंभोरा निलज ते केशोरी खामखुरा, गणूटोला ते ककोडी, पळसगाव ते तुंबडीमेंढा, आलेवाडा,मोहगाव ते गडेगाव, कडीकसा ते कलकसा हा रस्ता बंद होता. जिल्ह्यात गेल्या चौवीस तासात तालुकानिहाय झाला पाऊस तालुका पडलेला पाऊसगोंदिया ७५.८आमगाव ७४.५तिरोडा २२.९गोरेगाव ४९.३सालेकसा ८४.०देवरी ४८.९अर्जुनी मोरगाव ३७.४सडक अर्जुनी ४३.३एकूण ५४.६ मिमी जिल्ह्यातील प्रमुख धरणातील पाणीसाठाइटियाडोह : ६८.९ टक्केशिरपूरबांध : ६४.२२ टक्केकालीसरार : ५७.२५ टक्केपुजारीटोला : ६१.४३ टक्के कोणत्या धरणाचे किती दरवाजे उघडलेपुजारीटाेला ८ दरवाजे - ८३०५ क्युसेक पाण्याचा विसर्गकालीसरार ५ दरवाजे -३२५७.७५ क्युसेक पाण्याचा विसर्गशिरपूरबांध ४ दरवाजे -१५२० क्युसेक पाण्याचा विसर्ग

बापमाणूस ही मालिका सुरू होऊन काहीच दिवस झाले असले तरी या मालिकेविषयी चांगलीच चर्चा रंगली आहे. या मालिकेत सुयश ... ...

उन्नावमधील डॉक्टरने जास्त पैसे कमवायचा नादात 20 जणांचा जीव धोक्यात टाकला आहे. ...