Latest Marathi News

नवनियुक्त प्र-कुलगुरू प्रमोद येवले : स्वीकारला पदभारनागपूर : राष्ट्रसंत तुकडोजी महाराज नागपूर विद्यापीठाच्या परीक्षा विभागाची घडी विस्कटली आहे. ही स्थिती दूर करून परीक्षा प्रणाली जास्तीतजास्त सक्षम करण्याचा प्रयत्न राहणार आहे, असे मत विद्यापीठाचे नवनियुक्त प्र-कुलगुरू डॉ. प्रमोद येवले यांनी व्यक्त केले. मंगळवारी त्यांनी विद्यापीठाच्या दीक्षांत सभागृहात पदभार स्वीकारला.यावेळी कुलगुरू डॉ. सिद्धार्थविनायक काणे, कुलसचिव पूरण मेश्राम, ‘बीसीयूडी’ संचालक डॉ. डी.के. अग्रवाल उपस्थित होते. आॅनलाईन’ परीक्षा प्रणाली परीक्षा पद्धत अधिक पारदर्शक करून अधिकाधिक विश्वसनीय करण्यावर माझा भर राहणार आहे. आजघडीला विद्यापीठाच्या परीक्षा विभागामध्ये अनेक समस्या असून, आॅनलाईन पद्धतीचा स्वीकार केल्यास यावर तोडगा काढता येऊ शकतो. डॉ. राजेश अग्रवाल समितीने दिलेल्या ‘एक्झाम रिफॉर्म’च्या शिफारशींचा स्वीकार करून, परीक्षा विभागातील कार्य गतिमान करण्यासाठी प्रयत्नशील राहणार असून ‘एमकेसीएल’चा मुद्दादेखील लवकरात लवकर निकाली काढण्यात येईल, असे डॉ. येवले म्हणाले. कुलगुरूंनी यावेळी प्र-कुलगुरूंचे अभिनंदन केले. परीक्षा विभागात सुधारणा लगेच होणार नाहीत. परंतु डॉ. येवले यांच्या नेतृत्वात परीक्षा प्रणालीला योग्य दिशा मिळेल, असे कुलगुरू म्हणाले.यावेळी डॉ. पूरण मेश्राम यांनी मनोगत व्यक्त केले. उपकुलसचिव डॉ. अनिल हिरेखण यांनी आभार मानले. कार्यक्रमाला विविध प्राधिकरण सदस्य, विद्याशाखांचे अधिष्ठाता, विभागप्रमुख, प्रशासकीय अधिकारी, प्राध्यापक, शिक्षकेतर कर्मचारी मोठ्या संख्येने उपस्थित होते. (प्रतिनिधी)मोहिते यांना निरोपदरम्यान, विद्यापीठाचे उपकुलसचिव व प्रभारी परीक्षा नियंत्रक प्रशांत मोहिते हे मंगळवारी निवृत्त झाले. त्यांना यावेळी निरोप देण्यात आला. त्यांचा यावेळी सत्कार करण्यात आला. विद्यापीठाला नि:शुल्क सेवा देण्यास तयार असल्याचे मोहिते यांनी यावेळी सांगितले. मोहिते यांच्यानंतर आता डॉ. अनिल हिरेखण हे प्रभारी परीक्षा नियंत्रक म्हणून काम पाहतील.

mhaisa kahredi anudan परराज्यातून जातिवंत म्हैस खरेदीसाठी 'गोकुळ', 'वारणा' दूध संघ ४० ते ५० हजार रुपये अनुदान देते. ...

सात वर्षांची असताना आपल्या वडिलांसोबत रस्त्यावर भीक मागायची. ...

तनिषा मुखर्जीने नेपोकिड्स आणि आउटसायडर्सबाबत केलेलं वक्तव्य चर्चेत आलं आहे. ...

Jamin Kharedi Khat : बहुतांश लोक हे शेत जमिनीचे खरेदी विक्री व्यवहार हे स्टॅम्प पेपरवर नोटरी करून करतात. ...

पवईत एका महिला डॉक्टरवर जीवघेणा हल्ला करण्याचा प्रयत्न करण्यात आला. ...

प्रसिद्ध गायिकेच्या घटस्फोटाची चर्चा रंगली आहे. त्यामुळे तिच्या चाहत्यांना चांगलाच धक्का बसला आहे ...