Latest Marathi News

नवी दिल्ली - प्रेयसीला पटवण्यासाठी एखादा प्रियकर काय करेल याचा काही नेम नाही. प्रेयसीवर असलेल्या प्रेमापोटी काही महिन्यांपूर्वी एका प्रियकराने रस्त्यांवर ‘शिवडे आय एम सॉरी!’ अशा आशयाचे तब्बल 300 पोस्टर्स लावले होते. तरुणाच्या या विचित्र कारनाम्यामुळे पोलीसही चक्रावून गेले होते. पिंपरीमध्ये हा प्रकार घडला होता. त्यानंतर आता पुन्हा एकदा अशाच एका पोस्टरची जोरदार चर्चा रंगली आहे. लखनऊमध्ये असाच काहीसा प्रकार पाहायला मिळाला आहे. फेब्रुवारी महिना हा कपल्ससाठी अत्यंत खास असतो. व्हॅलेंटाईन डेच्या निमित्ताने अनेक जण आपलं एकमेकांवर असलेलं प्रेम व्यक्त करतात. अशातच एका पोस्टरने सर्वांचंच लक्ष वेधून घेतलं आहे. मिळालेल्या माहितीनुसार, लखनऊच्या गोमती नगरच्या चौकांमध्ये एक पोस्टर लावण्यात आलं आहे. "सिद्धी हेट शिवा" असं या पोस्टरवर लिहिण्यात आलं आहे. प्रेमात धोका मिळालेल्या तरुणीने आपल्या प्रियकराला बदनाम करण्यासाठी रस्त्यावर पोस्टर लावल्याचं म्हटलं जात आहे. शहरामध्ये पाच ते सहा ठिकाणी हे पोस्टर लावण्यात आलं आहेत. "सिद्धी हेट शिवा" हे सर्वांचंच लक्ष वेधून घेत आहे. सध्या व्हॅलेंटाईन वीक असल्याने सर्वत्र फक्त त्याचीच चर्चा सुरू आहे. हे पोस्टर नेमकं कोणी आणि का लावलं आहे, हे अद्यापही समोर आलं नाही. एका हिंदी वेबसाईटने याबाबतचे वृत्त दिले आहे. काही महिन्यांपूर्वी उच्चभ्रू अशी ओळख असलेल्या पिंपळेसौदागर या परिसरातील शिवार चौकात 'shivade i am sorry''असा मजकूर लिहिलेले फलक झळकले होते.पुण्याच्या दिशेने जाणार्या रस्त्यावर हे फलक दिसू लागल्याने पोलिसांनी याप्रकरणाचा शोध घेतला. पोलिसांना तपासादरम्यान नीलेश खेडकर या पुण्यातील तरुणाने त्याचा मित्र आदित्य शिंदे याला असे फलक लावायला सांगितल्याचं समजलं. रस्त्यावरील ‘शिवडे आय एम सॉरी!’ चे बॅनर पाहून सर्वांनाच आश्चर्य वाटलं होतं. सोशल मीडियावरही या बॅनरचे खूप फोटो जोरदार व्हायरल झाले होते.

अनिल कपूर नेहमीच त्याच्या खाजगी आयुष्याविषयी मीडियात बोलताना दिसतो. ...

निवडणूक निकालाआधी विरोधकांची मोर्चेबांधणी ...

देशाच्या राजकारणात तिसरी आघाडी कठीण प्रसंगात होते आणि अशी आघाडी झालीच तर ती जास्त दिवस टिकत नाही हा इतिहास आहे. ...

आरोपीला आता निजामपूर पोलिसांच्या स्वाधीन केले असून पुढील तपास सुरू आहे. ...

अरुणाचल प्रदेशमध्ये एनएनपीचे आमदार तिरोंग अबो आणि 10 अन्य जणांची हत्या करण्यात आली आहे. ...

१४ दिवसांची न्यायालयीन कोठडी सुनावली आहे. ...