Latest Marathi News

नागपूर : उपराजधानीतील हत्यांचे सत्र सुरूच असून, बुधवारी नागपुरात दोन हत्यांची नोंद झाली. पाचपावली व एमआयडीसी पोलिस ठाण्याच्या हद्दीत या घटना घडल्या. पाचपावली पोलिस ठाण्याच्या हद्दीतील बारसे नगरात दिवसाढवळ्या एका तरुणाची हत्या करण्यात आली. प्रेमाच्या त्रिकोणातून ही हत्या झाल्याची माहिती असून, आरोपी व मृतक बालपणीचे मित्रच होते. मात्र प्रेमाच्या वादातून मैत्रीचे नाते विसरत गुंड प्रवृत्तीच्या आरोपीने तरुणाचा धारदार शस्त्रांनी वार करत जीव घेतला, तर एमआयडीसीत घरगुती वादातून पतीने पत्नीचा कोयत्याने वार करत जीव घेतला.अभिनव ऊर्फ शॅंकी महेंद्र भोयर (२२, बारसे नगर) असे मृताचे नाव असून, कशीश महाजन (२२, बारसेनगर) हा त्याचा बालपणीचा मित्र हत्येचा सूत्रधार आहे. शॅंकी व कशीश लहानपणापासून मित्र होते. कशीश हा गुंड प्रवृत्तीचा असून, त्याच्यावर खुनाच्या प्रयत्नासह विविध गुन्हे दाखल आहेत. शॅंकी सेंट्रल एव्हेन्यूवरील एका हॉटेलमध्ये काम करायचा. त्याचे एका मुलीवर प्रेम होते, मात्र कशीशलादेखील ती आवडत होती. कशीशने तिला शॅंकीविरोधात भडकावले व तिने शॅंकीशी नाते तोडले. त्यानंतर कशीश व त्या मुलीमध्ये प्रेमप्रकरण सुरू झाले. यामुळे शॅंकी दुखावला गेला होता व त्याने कशीशशी बोलणे बंद केले होते. तो मुलीवर प्रेम करतच होता व कशीशला हे माहिती होते. यातूनच कशीशने शॅंकीला जिवे मारण्याची धमकी दिली होती.काही महिन्यांअगोदर त्याने शॅंकीवर प्राणघातक हल्लादेखील केला होता. तो शॅंकीला संपविण्याची संधीच शोधत होता. बुधवारी दुपारी दीड ते दोनदरम्यान शॅंकी हा बारसे नगरातील झेंडा चौकातील एका चहा टपरीवर उभा होता. त्यावेळी कशीश तेथे गुल्लू मसुकर व विनीत या त्याच्या सहकाऱ्यांसह पोहोचला आणि शॅंकीशी वाद घालण्यास सुरुवात केली. त्यांनी त्याच्यावर भरदिवसा सर्वांच्या डोळ्यादेखत गळा, छाती, पाय, पोटावर धारदार शस्त्रांनी वार केले. शॅंकीचा भाऊ व इतर लोक धावल्यानंतर आरोपी पळून गेले. शॅंकीला दवाखान्यात नेण्यात आले, मात्र त्याचा मृत्यू झाला होता. या घटनेची माहिती मिळताच पोलिसांचा ताफा घटनास्थळावर पोहोचला. पोलिसांनी आरोपींविरोधात गुन्हा नोंदविला असून, त्यांचा शोध सुरू होता.तीन वर्षांपूर्वी शॅंकीला झाली होती अटकशॅंकी हादेखील गुंड प्रवृत्तीचाच होता. तीन वर्षांपूर्वी टिमकी भागात तलवारीचा धाक दाखवून तो नागरिकांना धमकावत होता. त्यावेळी तहसील पोलिस ठाण्यातील पथकाने त्याला अटक केली होती.कोयत्याने वार करून पत्नीचा खूनदुसरी घटना एमआयडीसी पोलिस ठाण्याच्या हद्दीत घडली. घरगुती वादातून पतीने पत्नीवर कोयत्याने वार करून खून केला. सपना ऊर्फ सोनी (३०) असे खून झालेल्या महिलेचे नाव आहे. ही घटना बुधवारी सायंकाळी उघडकीस आली. निलडोहमधील रस्त्यावर पती-पत्नीचे कडाक्याचे भांडण सुरू होते. काही नागरिकांनी दोघांना समजाविण्याचा प्रयत्न केला. मात्र संतापाने पेटलेल्या पतीने तिच्यावर कोयत्याने वार करून खून केला. सोनीचा मृतदेह त्याने निलडोहच्या जंगलात फेकला व तेथून पलायन केले. एमआयडीसी पोलिस ठाण्यात याची माहिती मिळताच पोलिस निरीक्षक नरके यांच्यासह पथक घटनास्थळी पोहोचले. रात्री उशिरापर्यंत पंचनामा सुरू होता. मृत महिलेबाबत माहिती काढण्याची प्रक्रिया पोलिस करीत आहेत. तिच्या हातावर सिद्धार्थ असे गोंदविण्यात आले असून, पतीचा शोध सुरू होता.

आधी मार्गदर्शक मंडळात रवानगी, आता मतदारसंघ हिसकावला; काँग्रेसचा मोदींवर निशाणा ...

आज जन्मलेली मुलं... कोणती असेल रास?, कसा होईल प्रवास? ...

कसा असेल तुमचा आजचा दिवस, जाणून घ्या... ...