Latest Marathi News

मराठी चित्रपटसृष्टीतील प्रसिद्ध अभिनेत्री अमृता खानविलकर (Amruta Khanvilkar) वेगवेगळ्या कारणामुळे चर्चेत येत असते. कधी ग्लॅमरस फोटोंमुळे तर कधी आगामी प्रोजेक्टमुळे. सध्या ती खूपच चर्चेत आली आहे. लवकरच ती चंद्रमुखी (Chandramukhi Movie) या चित्रपटात दिसणार आहे. या चित्रपटात तिने साकारलेल्या चंद्राची सर्वत्र बोलबोला पाहायला मिळतो आहे. या चित्रपटाचा ट्रेलर आणि गाणी पाहून प्रेक्षक चित्रपटाच्या रिलीजची उत्सुकतेने वाट पाहत आहेत. दरम्यान आता अमृता खानविलकर हिने एका मुलाखतीत चंद्रमुखी चित्रपटातील तिच्या प्रवासाबद्दल सांगितले आहे.अमृता खानविलकरने फिल्मफेअरला दिलेल्या मुलाखतीत चंद्रमुखी चित्रपटातील प्रवासाबद्दल सांगितले. ती म्हणाली की, या चित्रपटाच्या प्रवासाची सुरूवात दिग्दर्शक प्रसाद ओक यांनी मला कादंबरी वाचायला दिल्यापासून झाली. मला अजूनही आठवतंय की आम्ही एकत्र चित्रपट सुरू करत आहोत, म्हणून मी दिवाळीच्या वेळी प्रसादला चेक दिला होता. पुढे काय घडणार हे माहित नव्हते. कारण त्यावेळी चित्रपटासाठी निर्माता नव्हता. तसेच माझ्याकडे त्याचे अधिकारही नव्हते. ती पुढे म्हणाली की, वेल डन बेबी या माझ्या चित्रपटासाठी मी लंडनला गेले होते. मी तिथे अक्षय बर्दापूरकरला भेटले आणि मी त्यांना सांगितले की, आपण काय करत आहोत. त्यांना ही कल्पना आवडली आणि भारतात परत आल्यानंतर प्रसाद, अक्षय आणि माझी भेट झाली. त्यानंतर आम्ही लेखक विश्वास पाटील यांच्याकडे गेलो आणि त्यांच्या कादंबरीचे हक्क मिळवले. आम्ही अजय-अतुल यांनाही यात सहभागी होण्यासाठी सांगितले आणि त्यांनी ते मान्य केले. पण नंतर लॉकडाऊन झाले आणि सर्व काही ठप्प झाले. पण त्यामुळे लेखक, संगीत दिग्दर्शक, प्रसाद आणि मला चित्रपटात काम करण्यासाठी अधिक वेळ मिळाला. लावणीचे कोरिओग्राफर आशिष पाटील यांच्यासोबत आम्ही भाषा आणि डिक्शन वर्कशॉप्सच्या सुमारे आठ महिन्यांच्या कार्यशाळा घेतल्या. दुसऱ्या लॉकडाउनपूर्वी चार महिन्यांचे अंतर असताना आम्ही ४५ ते ४८ दिवसांत चित्रपट शूट केला.या चित्रपटात अमृता खानविलकर शिवाय आदिनाथ कोठारे मुख्य भूमिकेत दिसणार आहे. अक्षय बर्दापूरकर, प्लॅनेट मराठी आणि गोल्डन रेशो फिल्म्स निर्मित, क्रिएटिव्ह वाईब प्रॉडक्शन प्रस्तुत फ्लाइंग ड्रॅगन एंटरटेनमेंट, येलस्टार फिल्म्स, लाइटविदिन एंटरटेनमेंट सहप्रस्तुत 'चंद्रमुखी' या चित्रपटाचे दिग्दर्शन प्रसाद ओक यांनी केले आहे, तर चिन्मय मांडलेकर यांचे पटकथा-संवाद आहेत. या चित्रपटाला अजय -अतुल यांचे जबरदस्त संगीत लाभले आहे. विश्वास पाटील यांच्या 'चंद्रमुखी' या कादंबरीवर आधारित हा चित्रपट २९ एप्रिल रोजी प्रदर्शित होणार आहे.

योगिता चव्हाण (Yogita Chavan) ही मराठी मालिकाविश्वातील लोकप्रिय अभिनेत्री आहे. ' ...

'संगीत मानापमान' या चित्रपटाबद्दल प्रसिद्ध गायक सलील कुलकर्णी (Salil kulkarni) यांनी प्रतिक्रिया दिली आहे. ...

पुढील आठवड्यात लक्ष्मी डेंटल लिमिटेडचा आयपीओ येत आहे. या माध्यमातून ६९८.०६ कोटींची उभारणी करण्यात येणार आहे. ...

केंद्रीय गृहमंत्री अमित शाह यांनी केलेल्या टीकेला खासदार संजय राऊत यांनी प्रत्युत्तर दिलं आहे. ...

आणखी २२ कंपन्या डीएमआयसीमध्ये गुंतवणूक करण्यास इच्छुक ...

हे राम नामाचे दुपट्टे लखनौ रोडवर असलेल्या गोपालगंजच्या अहलादगंज गावात बनवले जातात. ...

MahaKumbh Mela 2025 : महाकुंभात सहभागी होण्यासाठी जगभरातून लोक आले आहेत. ...

पुण्य मिळविण्यासाठी अनेक संस्था करणार अन्नदान; आज सुरू होणार श्रद्धेचा महाकुंभ ...