Latest Marathi News

माजलगाव (बीड) : गेल्या वर्षापासून करणी करीत असल्याच्या संशयावरून एका विवाहितेस बहीण-भावाने पेटवून दिल्याची घटना माजलगाव तालुक्यातील तालेखड येथे रविवारी रात्री आठच्या सुमारास घडली. बीड येथील जिल्हा रुग्णालयात उपचार सुरू असताना पीडित महिलेचा मृत्यू झाला.नीता आकाश डोंगरे (१९) असे या दुर्दैवी महिलेचे नाव असून, तिला जुळी मुले आहेत़ दोन वर्षांपूर्वी नीताचा विवाह झाला होता़ जिल्हा रुग्णालयात उपचार सुरू असताना नीताने तहसीलदार व पोलिसांना जबाब दिला़ त्यानुसार शेजाऱ्यांनी करणी करीत असल्याचा आरोप माझ्यावर केला होता. त्यानंतर प्रमोद गायकवाड, सुषमा गायकवाड, मधू, देविनंदा यांनी गेल्या महिन्यापासून करणी करीत असल्याच्या संशयावरून त्रास देण्यास सुरुवात केली.भानामती, करणी करीत असल्यामुळे कपड्यांना छिद्र पडत असल्याचा दावा शेजाऱ्यांनी केला होता़ रविवारी नीता यांचे आई-वडील त्यांना तालखेड येथे भेटण्यास आले होते़ सायंकाळी सातच्या सुमारास नीताच्या आई-वडिलांना सोडण्यासाठी तिचे सासू-सासरे गेले असल्याने नीता घरात एकटीच होती.या संधीचा फायदा घेत प्रमोद गायकवाड व मधू गायकवाड त्यांच्या घरात गेले व घरातील डब्यामधील रॉकेल अंगावर ओतून त्यांनी नीता यांस पेटवून दिले. नीता यांच्या जबानीवरून माजलगाव ग्रामीण पोलीस ठाण्यात गुन्हा दाखल झाला आहे.जिल्हा रुग्णालयात उपचार सुरू असताना दुपारी तीन वाजता नीताचा मृत्यू झाला. पोलिसांनी प्रमोद गायकवाड वगळता ४ महिलांना अटक केली आहे. (प्रतिनिधी)

दोन दिवसांच्या दौऱ्यात ते 36 तासांचा वेळ भारतात व्यतीत करणार आहेत. ...

'सीता और गीता'मधील कौशल्या चाचीच्या भूमिकेतून अभिनेत्री मनोरमा खूप लोकप्रिय झाल्या होत्या. ...

बांगलादेशी सर्च मोहीम, बांगलादेशी घुसखोर, अशा पद्धतीची ही मोहीम राबवण्यात आली होती. ...

हा अभिनेता त्याच्या सिनेमांपेक्षा त्याच्या पर्सनल लाईफला घेऊन अधिक चर्चेत असतो. ...

Elgar Parishad: एल्गार परिषदेचा तपास राज्य सरकारने एएनआयकडे दिला नाही, तो केंद्राने अविश्वास दाखवत घेतला ...

शेतकरी कर्जमाफीची पहिली यादी उद्या जाहीर करणार असल्याचं मुख्यमंत्री उद्धव ठाकरेंनी स्पष्ट केलं आहे. ...

केंद्र सरकारनं महागाई नियंत्रणात आणण्याचं एक लक्ष्य दिलेलं आहे, त्याची व्याप्ती वाढायला हवी. ...