Latest Marathi News

पुणे : सर्वोच्च न्यायालयाच्या निर्देशानंतर हडपसर व खडकवासला विधानसभा निवडणुकीतील मतमोजणीची २९ यंत्रांमधील मतांची पडताळणी करण्यात येणार होती. मात्र, हडपसर मतदारसंघातील मतांची पडताळणी रद्द करण्यात आली आहे. याबाबत याचिकाकर्ते उमेदवार प्रशांत जगताप यांनी उच्च न्यायालयात पुन्हा मतदान याचिका दाखल केल्याने राज्याच्या मुख्य निवडणूक अधिकाऱ्यांनी ही पडताळणी रद्द करण्याचे आदेश दिले आहेत. त्यामुळे न्यायालयाच्या निकालानंतरच ही पडताळणी केली जाण्याची शक्यता आहे. तर ठरलेल्या वेळापत्रकानुसार, २५ जुलै रोजी केवळ खडकवासला मतदारसंघातील दोन यंत्रांमधील मतांचीच पडताळणी होणार आहे.विधानसभा निवडणुकीत हडपसर मतदारसंघातील राष्ट्रवादी काँग्रेस शरदचंद्र पवार पक्षाचे उमेदवार प्रशांत जगताप यांनी मतमोजणीत घोळ झाल्याचा आरोप करत उच्च न्यायालयात धाव घेतली होती. मात्र, न्यायालयाने ही याचिका फेटाळून लावली. त्यानंतर जगताप यांनी सर्वोच्च न्यायालयात धाव घेतली होती. त्यानंतर सर्वोच्च न्यायालयाने जगताप यांची म्हणणे मान्य करत केंद्रीय निवडणूक आयोगाला मतांच्या पडताळणीचे आदेश दिले होते. त्यानुसार जिल्हा निवडणूक शाखेकडून २५ जुलै ते २ ऑगस्ट या कालावधीत हडपसर मतदारसंघातील जगताप यांनी निवडलेल्या २७ यंत्रांमधील मतांची पडताळणी होणार होती. जगताप यांनी मतमोजणी पुन्हा होईल, असा व्हिडीओ प्रसारीत केला होता. त्यावर जिल्हाधिकारी कार्यालयाने स्पष्टीकरण देत केवळ कंट्रोल युनिटमधील मतांची अंतिम आकडेवारी संबंधित उमेदवाराला दाखविण्यात येणार आहे. त्यानंतर नव्याने १ हजार ४०० मते टाकून व्हीव्हीपॅट यंत्रातील चिठ्ठ्यांची मोजणी करण्यात येणार असल्याची माहिती उपजिल्हा निवडणूक अधिकारी मीनल कळसकर यांनी दिली होती.जगताप यांनी पुन्हा उच्च न्यायालयात पुनर्विचार याचिका दाखल केल्याचे जिल्हा निवडणूक शाखेला कळवले होते. त्यानंतर याबाबत सविस्तर निर्देश मिळावेत, यासाठी जिल्हा निवडणूक अधिकारी तथा जिल्हाधिकारी जितेंद्र डुडी यांनी राज्याच्या मुख्य निवडणूक अधिकारी एस. चोकलिंगम यांच्याकडे पत्रव्यवहार केला होता. त्यानंतर चोकलिंगम यांनी ही पडताळणी रद्द करण्याचे निर्देश यंत्रांची तांत्रिक बाजू सांभाळणाऱ्या भारत इलेक्ट्रिकल कंपनीला दिले आहेत. त्यामुळे जगताप यांच्यासाठीची पडताळणी आता रद्द करण्यात आल्याचे अधिकाऱ्यांकडून सांगण्यात आले. आता केवळ खडकवासला मतदारसंघातील दोन यंत्रांमधील मतांचीच पडताळणी होणार असल्याचे यावेळी सांगण्यात आले.

Jalgaon Crime News : देशभरात गाजत असलेल्या ‘आश्रम’ या वेबसिरीजशी मिळती-जुळती कहाणी जळगाव जिल्ह्यात उघडकीस आली आहे. ...

वारजे माळवाडी पोलिसांना डुक्करखिंड येथे रस्त्यावर रक्ताने माखलेले गाठोडे पडले असल्याचा फोन आला... ...

शक्ती या विधेयकानुसार शिक्षेचे प्रमाण वाढविण्यात आले असून नवीन गुन्हे देखील समाविष्ट करण्यात आले आहेत. ...

कसा असेल तुमचा आजचा दिवस, जाणून घ्या... ...

सावरा यांना मुंबईच्या कोकिळाबेन रुग्णालयात उपचार सुरू होता. ...

शहरात आजपर्यंत ८ लाख ४९ हजार ६ जणांची कोरोना तपासणी ...