Latest Marathi News

मध्य प्रदेशमधील खरगौन येथे आयोजित करण्यात आलेल्या खासदार क्रीडा महोत्सवामध्ये सहभागी झालेल्या खेळाडूंनी महोत्वाच्या समारोप सोहळ्यामध्ये संतप्त होत गोंधळ घातला. संतप्त खेळाडूंना भाजपाचे राज्यसभा खासदार सुमेर सिंह सोलंकी यांना घेराव घातला. तसेच स्पर्धेवेळी खेळाडूंना उपाशीतापाशी ठेवल्याचा आरोप केला. तसेच संतापलेल्या खेळाडूंनी या स्पर्धेत मिळवलेली पदके फेकून दिली, तर प्रमाणपत्रे फाडून टाकली. खासदारांकडे बक्षीस देण्यासाठी पैसे नव्हते तर स्पर्धा आयोजित केली कशाला? असा सवाल संतप्त खेळाडूंनी विचारला.मध्य प्रदेशमधील खरगोन शहरातील बिस्टान रोड येथील स्टेडियममध्ये आयोजित क्रीडा महोत्सवाच्या समारोपावेळी शालेय खेळाडूंनी आपापली प्रमाणपत्रे फाडून फेकून दिली. तसेच स्पर्धेत मिळवलेली पदकेही मैदानात फेकली. खासदार सुमेरसिंह सोलंकी यांना घेराव घालून बक्षीसाची रक्कम देण्याची मागणी केली.मात्र खेळाडूंचा वाढता विरोध पाहून खासदार सोलंकी खेळाडूंशी काहीही न बोलता कारमध्ये बसून निघून गेले. त्यामुळे खेळाडू अधिकच संतप्त झाले. त्यांनी मैदाना गोंधळ घातला. तसेच जिंकलेली पदके मैदानात फेकून रोष व्यक्त केला. खासदार सुमेरसिंह सोलंकी यांनी बडवानी जिल्ह्यामध्ये पहिल्या, दुसऱ्या आणि तिसऱ्या क्रमांकाने जिंकलेल्या खेळाडूंना रोख रक्कम बक्षीस म्हणून दिली होती. मात्र येथे कुठलीही रक्कम बक्षीस म्हणून दिली गेली नाही. एवढंच नाही तर स्पर्धेवेळी खाण्यापिण्याचीही कुठलीही व्यवस्था नव्हती, असा आरोप खेळाडूंनी केला.दरम्यान, या संपूर्ण घटनेवर स्पष्टीकरण देताना खासदार सुमेरसिंह सोलंकी यांनी सांगितले की, माझ्याकडे निधीची व्यवस्था नाही आहे. जिथे बक्षिसे दिली गेली, तिथे आपापल्या पातळीवर व्यवस्था करण्यात आली होती. खरगौन जिल्ह्यात पंतप्रधान नरेंद्र मोदी यांच्या जन्मदिनाचं निमित्त साधून खासदार क्रीडा महोत्सवाची सुरुवात करण्यात आली होती. गुरुवारी अटल बिहारी वाजपेयी यांच्या जन्मदिनी या महोत्सवाचा समारोप झाला.

घडामोडींवरून इस्लामपूर-शिराळा मतदारसंघात राजकीय तर्क-वितर्क लढवले जात आहेत ...

Pik Vima Yojana : नव्या पीक विमा योजनेत विमा नुकसान भरपाई कशाच्या आधारावर निश्चित केली जाणार, हे पाहुयात.... ...

पाकिस्तानमध्ये सोशल मीडियावर इन्फ्लुएंसर असलेल्या महिलांवरील हिंसाचाराच्या घटना घडल्या आहेत. ...

साडेतीन लाखांचा दंड वसूल ...

हायकोर्ट : १४ ऑगस्टपर्यंत मागितले मुद्यांवर आधारित प्रतिज्ञापत्र ...

लातूर जिल्ह्यातील किनगाव पोलिस ठाण्याच्या हद्दीत गुजरातच्या दोन व्यापाऱ्यांना लुटल्याची घटना घडली होती ...

चौकशी समितीही केली नियुक्त ...

प्रक्रियेतील महत्त्वाचा टप्पा पूर्ण ...

मराठवाडा मुक्ती संग्रामात गोविंदभाई श्रॉफ यांच्यासमवेत त्यांनी सक्रिय सहभाग घेतला. ...

भीमा नदीपात्रात एक मृतदेह आढळून आला होता, पोलिसांनी तांत्रिक तपासाच्या माध्यमातून खून उघडकीस आणला ...