Latest Marathi News

फलटण : उपळवे (ता. फलटण) येथे किरकोळ कारणावरून दांडक्याने जबर मारहाण करून एका शिक्षकाने आपल्या वडिलांचाच खून केल्याची खळबळजनक घटना घडली. याप्रकरणी शिक्षक सूर्यकांत लंभाते याला फलटण ग्रामीण पोलिसांनी अटक केली आहे. याप्रकरणी पोलिसांनी दिलेली माहिती अशी की, सोकासन (ता. माण) येथील जिल्हा परिषदेच्या शाळेत सूर्यकांत सोपान लंभाते (वय ३५) हा शिक्षक आहे. त्याचे मूळगाव उपळवे आहे. तेथे आई, वडील, भाऊ आणि चुलते राहतात. आई-वडिलांची भांडणे होत असल्याने त्याने सहा महिन्यांपूर्वी आईला दहिवडी येथे नेले आहे. त्यामुळे वडील सोपान लंभाते (७७) हे एकटेच राहात होते. ‘माझा मुलगा माझ्या बायकोला घेऊन गेला आहे. मला एकट्याला सर्व कामे करावी लागत आहेत. आता मी नातवाला खलास करणार.’ असे सोपान लंभाते हे कोणास तरी म्हणाले होते. याचा जाब विचारण्यासाठी आज, रविवारी सुटी असल्याने सकाळीच सूर्यकांत हा उपळवे येथे आला. त्याने आपल्या बहिणींनाही बोलावून घेतले होते. बोलता-बोलता वाद इतका टोकाला गेला की, सूर्यकांतने घरातील लाकडी दांडक्याने वडील सोपान यांना जबर मारहाण केली. या मारहाणीत सोपान लंभाते खाली पडले ते उठलेच नाहीत. त्यानंतर सूर्यकांत हा घरातून निघून गेला. दरम्यान, त्याचा भाऊ वडिलांना बघायला आला असता, ते निपचीत पडल्याचे दिसून आले. सोपान लंभाते यांचे पत्नीशी पटत नव्हते. त्यांचा घटस्फोटही झाला होता. मात्र, ते परत एकत्र आले होते. ग्रामीण पोलिसांनी शिक्षक सूर्यकांत लंभातेला अटक केली आहे. पोलीस निरीक्षक अण्णासाहेब घोलप अधिक तपास करीत आहेत.

दुर्मिळ प्रजातीच्या सापाला अवैद्यरित्या ताब्यात ठेवण्यासाठी तीन ते सात वर्षांपर्यंतच्या शिक्षेची तरतूद ...

Urfi Javed: ट्रोलर्सना शांतपणे उत्तर देणारी उर्फी जावेद फोटोग्राफर्सवर चिडलेली दिसली. ...

राज ठाकरेंमध्ये पूर्वीसारखा लढाऊबाणा आता राहिलेला नाही, असं बाळासाहेब थोरात म्हणाले. ...

Income tax Raid in Aurangabad: शहरात व्यापाऱ्याचे निवासस्थान आणि इतर तीन ठिकाणी पहाटे आयकर विभागाने छापा टाकला आहे ...

राजापूर तालुक्यातील गणेश भक्तांना शुभेच्छा देणारे हे बॅनर लावण्यात आले होते. ...

गणेशोत्सवाच्या काळात पीएमपीएमएल बसने प्रवास करणाऱ्यांची संख्या जास्त ...