Latest Marathi News

Right Way To Eat Papaya: दिवसाची सुरूवात जर चांगली झाली तर अख्खा दिवस चांगला जातो. सकाळचा पौष्टिक आहार शरीरासाठी खूप महत्वाचा ठरतो. रात्रीच्या आरामानंतर आपल्या पचनसंस्थेला हलका, पोषण देणारा आणि सहज पचणारा आहार आवश्यक असतो. अशा वेळी फळांचे सेवन खूप फायदेशीर मानले जाते, कारण उपाशीपोटी फळं खाल्ल्यानं शरीर त्यातील पोषक घटक लवकर शोषूण घेते.पपई हे असे एक फळ आहे, जे मऊ, चवदार आणि सहजपणे पचणारं मानलं जातं. पपईमध्ये असलेले नैसर्गिक एन्झाइम्स आणि जीवनसत्त्वे शरीरातील विषारी घटक बाहेर काढण्यास आणि मेटाबॉलिझम सक्रिय करण्यास मदत करतात. संशोधनानुसार, पपई खाल्ल्याने केवळ पोटाच्या जुन्या समस्यांपासून मिळत नाही, तर त्वचेसाठीही अत्यंत लाभदायक ठरते.पपई खा लगेच हलके व्हापपईमध्ये ‘पपेन’ नावाचं एक प्रभावी एन्झाइम आढळतं, जे प्रोटीनचं पचन करण्यास मदत करतं. त्यामुळे पचनसंस्थेवरील अतिरिक्त ताण कमी होतो. पपईतील डायटरी फायबर आणि भरपूर पाणी पोट साफ होण्यास मदत करतं, ज्यामुळे बद्धकोष्ठतेची समस्या नैसर्गिकरित्या कमी होते. हे फळ पोट स्वच्छ ठेवण्यास मदत करतं, त्यामुळे दिवसभर हलकं आणि ताजतवानं वाटतं.त्वचेसाठी फायदेशीरपिकलेल्या पपईमध्ये व्हिटामिन C आणि बीटा-कॅरोटीन भरपूर प्रमाणात असतं. हे घटक शरीरातील कोलेजनच्या निर्मितीस मदत करतात, ज्यामुळे त्वचेची लवचिकता टिकून राहते. नाश्त्यात पपई खाल्ल्याने त्वचेच्या पेशींना आतून पोषण मिळतं, त्यामुळे अकाली सुरकुत्या आणि त्वचेवरील लालसरपणा कमी होतो. पपईतील अँटीऑक्सिडंट्स फ्री रॅडिकल्सशी लढा देतात, ज्यामुळे त्वचा अधिक तेजस्वी आणि निरोगी दिसते.वजन नियंत्रणवजन कमी करू इच्छिणाऱ्यांसाठी पपई हा नाश्त्यासाठी उत्तम पर्याय आहे. एक वाटी पपईमध्ये कॅलरीज खूप कमी असतात, पण त्यातील फायबर पोट दीर्घकाळ भरलेले ठेवते. त्यामुळे वारंवार भूक लागत नाही आणि वजन कमी करण्यास मदत होते.

शहरातील मध्यवर्ती ठिकाण असलेल्या धोबितलाव येथे कै परशुराम टावरे स्टेडियम उभारले आहे. ...

समाज नावे ठेवतो पण आम्ही कला हेच जीवन मानून रसिकांची सेवा करतो ...

Happy Birthday Sachin Tendulkar : महान क्रिकेटपटू सचिन रमेश तेंडुलकरने आज आयुष्याचे अर्धशतक पूर्ण केले. ...

Tejashree Pradhan : नुकतेच तेजश्री प्रधान हिने सुखी जीवनाचा मंत्र शेअर केला. ज्यामुळे ती चर्चेत आली आहे. ...

आग विझविण्यासाठी शर्थीचे प्रयत्न ...

आष्टी येथील लघु पाटबंधारे उपविभागाच्या कार्यालयात कारवाई करण्यात आली ...