Latest Marathi News

"काँग्रेस नेते राहुल गांधी यांनी वारंवार होणाऱ्या पराभवामुळे आताच थकून जाऊ नये, कारण आगामी काळात बंगाल आणि तामिळनाडूमध्येही त्यांना मोठ्या पराभवाचा सामना करावा लागणार आहे," अशा शब्दात केंद्रीय गृहमंत्री अमित शहा यांनी राहुल गांधींना टोला लगावला. अहमदाबाद महानगरपालिकेच्या ३३० कोटी रुपयांच्या विकासकामांच्या लोकार्पण सोहळ्यात ते बोलत होते. यावेळी शहा यांनी २०२९ च्या लोकसभा निवडणुकीबाबतही मोठे भाष्य केले.देशातील राजकीय परिस्थितीवर भाष्य करताना अमित शहा म्हणाले की, "२०२९ मध्ये भारतीय जनता पक्ष पंतप्रधान नरेंद्र मोदी यांच्या नेतृत्वाखाली पुन्हा एकदा सत्तेत येईल. भाजपची तत्त्वे आणि जनतेशी असलेले नाते इतके घट्ट आहे की, देशाचा विकास रथ कोणीही रोखू शकणार नाही."अमित शहा यांनी आपल्या भाषणात काँग्रेसच्या विरोध करण्याच्या भूमिकेवर तीव्र शब्दांत टीका केली. राम मंदिर उभारणी असो किंवा पाकिस्तानवर केलेला सर्जिकल स्ट्राईक, काँग्रेसने प्रत्येक वेळी विरोधच केला. काश्मीरमधील कलम ३७० हटवणे आणि मुस्लिम भगिनींसाठी तिहेरी तलाक रद्द करण्याच्या निर्णयालाही काँग्रेसने कडाडून विरोध केला. समान नागरी कायदा आणि बांगलादेशी घुसखोरांना हटवण्याच्या मोहिमेतही काँग्रेसने आडकाठी आणली, असेही अमित शहा म्हणाले."राहुल गांधींना समजवणे माझ्या क्षमतेबाहेर"अमित शहा म्हणाले की, "जनता ज्या गोष्टींचे समर्थन करते, नेमका त्यालाच राहुल गांधी आणि काँग्रेस विरोध करतात. ज्या नेत्याला त्यांचा स्वतःचा पक्ष नीट समजू शकला नाही, त्यांना समजवण्याची क्षमता माझ्यात नाही. अशा नकारात्मक भूमिकेमुळे त्यांना जनतेची मते कशी मिळतील?" असा सवालही त्यांनी यावेळी उपस्थित केला.

ऐचाळे शिवारातून ५० हजारांची कॉपर केबल लंपास झाली. ...

बार्शी शहरातून विदेशी दारूचे बॉक्स निघालेली एक कार अडवून तालुका पोलिसांनी पकडली. ...

गोंदिया जिल्ह्यातील सात कृषी उत्पन्न बाजार समितीच्या निवडणुकांचा रणसंग्राम सुरू आहे. ...

किवळे येथे अनधिकृत फलक पडून पाच जणांचा मृत्यू झाला तर तिघे जखमी झाले होते ...

याप्रकरणी सानपाडा पोलिस ठाण्यात तिघांवर गुन्हा दाखल करण्यात आला असून पोलिस अधिक तपास करत आहेत. ...

बुधगाव येथे पिस्तूल कमरेला लावून फिरणाऱ्यावर कारवाई करण्यात आली आहे. ...