Latest Marathi News

नवी दिल्ली : नॅशनल हेराल्ड अफरातफर आणि लबाडीचे प्रकरण हा राजकीय सूडाचा प्रकार असल्याची भूमिका घेत संसदेच्या दोन्ही सभागृहांत काँग्रेस सदस्यांनी घोषणाबाजी केली व जोरदार गोंधळ घातला.हे सर्व कशाचा निषेध म्हणून केले जात आहे, याविषयी अवाक्षरही त्यांनी काढले नाही. पक्षसदस्य सभागृहाच्या हौद्यात जाऊन आरडा-ओरड करीत होते तेव्हा सोनिया गांधी सभागृहात हजर होत्या.हा सर्व गोंधळ कशासाठी सुरु आहे, अशी विचारणा लोकसभा अध्यक्षा सुमित्रा महाजन यांनी केली. सोनिया गांधींच्या शेजारी बसलेले काँग्रेसचे गटनेते मल्लिकार्जून खरगे अध्यक्षांच्या प्रश्नाला उत्तर देण्याच्या तयारीत असलेले जाणवले. पण सोनिया गांधी यांनी त्यांना काहीही न बोलण्याचे खुणावले.राज्यसभेतही उपसभापती पी. जे. कुरियन यांनी काँग्रेस सदस्यांकडे त्यांच्या वर्तनाचा खुलासा मागितला. तुमच्यापैकी एकाने उभे राहून तुम्ही का गोंधळ घालताहात ते सांगा. (विरोधी पक्षनेते ) गुलाम नबी आझाद यांना यावर काही बोलायचे आहे का?, कुरियन यांनी विचारले. पण आझाद किंवा काँग्रेसपैकी इतर कोणीही उपसभापतींचे शंकासमाधान केले नाही. (लोकमत न्यूज नेटवर्क)जेटलींचे प्रत्युत्तरसंसदेचे कामकाज बंद पाडल्याबद्दल काँग्रेसवर टीका करताना जेटली म्हणाले की, फौजदारी फिर्यादीतील आरोपी दोषी आहेत की निर्दोष याचा फैसला संसदेत किंवा प्रसिद्धी माध्यमांतून करायला भारत हा अनागोंदी कारभार असलेला देश नाही. सोनिया व राहुल गांधी यांनी न्यायालयापुढे जाऊन आपले निर्दोषित्व सिद्ध करावे. फौजदारी गुन्ह्यांचा आरोप करणारी खासगी फिर्याद दाखल केली गेली.न्यायालयाला त्यात प्रथमदर्शनी तथ्य वाटले म्हणून समन्स काढले गेले. त्याविरुद्ध आरोपींनी उच्च न्यायालयात दाद मागितली पण तेथे समन्स कायम ठेवले गेले. त्यामुळे आता वरच्या न्यायालयात जाणे किंवा मूळ न्यायालयापुढे हजर होणे एवढेच आरोपींच्या हाती आहे.

अनिल मुंगीकर यांनी दोन वर्षांत घेतला सहस्त्र मंदिरांचा शोध ...

कोलारा बफर झोनमध्ये बिबट व अस्वल एकमेकांच्या समोर उभे ठाकले ...

भवानीनगर येथील श्री छत्रपती सहकारी साखर कारखान्यावर राष्ट्रवादी काँग्रेसची एकहाती सत्ता आहे ...

परिसरात वर्चस्व राहण्यासाठी आरोपींकडून गोळीबार... ...

पाच वर्षांआधी रश्मिका मंदाना हे नाव फार कुणाला ठाऊकही नव्हतं. आज अख्ख्या जगात रश्मिकाचे फॅन्स आहेत. ...

केंद्र मंत्रालयाने ‘जीवन प्रमाण’ नावाचे ॲप तयार केले आहे ...

देशातील सर्वात मोठी आयटी कंपनी असणारी विप्रो आता पॅकेज्ड फूड मार्केटमध्ये वर्चस्व गाजवण्याची तयारी केली आहे. ...

ठाकरे गटाचे पुणे जिल्हाप्रमुख बाळासाहेब चांदेरे यांची उद्धव बाळासाहेब ठाकरे गटातून हकालपट्टी ...