Latest Marathi News

इगतपुरी : गणेशोत्सवात काटकसर करून जमविलेल्या वर्गणीतून दुष्काळग्रस्तांना मदत केल्यास खऱ्या अर्थाने उत्सव साजरा झाल्याचा आनंद अनुभवता येईल. याकरिता शहरातील व परिसरातील सर्व गणेश मित्रमंडळांनी काटकसर करून शेतकऱ्यांना आर्थिक मदत करावी, असे आवाहन राष्ट्रवादी काँग्रेस पक्षाचे शहराध्यक्ष प्रल्हाद जाधव यांनी केले. येथील पोलीस ठाण्याच्या वतीने आयोजित केलेल्या शांतता कमेटीच्या बैठकीत ते बोलत होते. उपस्थित कार्यकर्त्यांनीही या सूचनेचे स्वागत केले. गणेशोत्सव व बकरी ईद या सणांच्या पार्श्वभूमीवर मंगळवारी सायंकाळी शांतता कमेटीची बैठक संपन्न झाली. यावेळी दुष्काळग्रस्त भागातील शेतकऱ्यांना मदत करण्याचे ठरविण्यात आले. यावेळी व्यासपीठावर तहसीलदार महेंद्र पवार, महावितरणच्या आभियंत्या वैशाली आहेर, सार्वजनिक बांधकाम विभागाचे शाखा आभियंता उत्तम निकम आदि उपस्थित होते.प्लास्टर आॅफ पॅरिसच्या मूर्ती विसर्जनामुळे मोठ्या प्रमाणात जलप्रदूषण होत असल्याने मंडळांनी शाडूमातीच्या मूर्ती स्थापन कराव्यात, असे आवाहन तहसीलदार महेंद्र पवार यांनी केले, तर उत्सवकाळात प्रत्येक मंडळांनी आरास मंडपात स्वयंसेवकांची नियुक्ती करून गणेश मूर्तीची योग्य प्रकारे काळजी घ्यावी तसेच कायद्याचे उल्लंघन करू नये, असे सांगितले. पावसाळा असल्याने मंडपात पाणी येणार नाही याची काळजी घ्यावी, गणेशोत्सवात शांतता टिकविण्यासाठी सर्व मंडळांनी सहकार्य करावे, महावितरण, सार्वजनिक बांधकाम विभाग, नगरपरिषद या संबंधित विभागाच्या अधिकाऱ्यांनी मंडळांना व नागरिकांना सहकार्य करावे, अशा सूचना पोलीस निरीक्षक संदीप कोळेकर यांनी यावेळी दिल्या.काँग्रेसचे शहराध्यक्ष किरण फलटणकर यांनी नव्याने बांधण्यात आलेल्या जुना मुंबई-आग्रा महामार्ग हा अरु ंद बांधण्यात आला असून, यामुळे ट्रॅफीक जाम होत आहे. महामार्गाच्या दोन्ही बाजूला भर टाकण्यात यावी, तीन लकडी पुलावरील रस्त्यावर प्रचंड खड्डे पडले असून, ते बुजविण्यात यावे, बऱ्याच ठिकाणी पथदीप बंद आहेत ते दुरुस्त करण्यात यावेत, अशा अनेक मागण्या व तक्रारी बैठकीदरम्यान उपस्थित केल्या. यावेळी नगरपरिषदेचे अभियंता धीरज भामरे, रफीकशेख, आगरी सेनेचे संपत डावखर, काँग्रेसचे शहराध्यक्ष किरण फलटणकर, विनोद भागडे, समीर यादव, अक्षय दळवी, यांच्यासह शहरातील असंख्य गणेश मंडळाचे पदाधिकारी उपस्थित होते. (वार्ताहर)

Tata stock to buy: जर तुम्ही टाटा ग्रुपच्या शेअर्समध्ये गुंतवणूक करण्याच्या विचारात असाल, तर हा शेअर नक्की घ्या. ...

शिकारीच्या शोधार्थ शहरी भागाकडे धाव, वन विभागाकडे उपाययोजनांचा अभाव ...

यात्रेच्या पूर्वसंध्येलाच खुनाची घटना घडल्याने यात्रेवर शोककळा पसरली ...

‘मायबाप सरकार तुम्ही आमच्याकडे लक्ष देऊन ६४ वर्षांचा रखडलेला प्रश्न मार्गी लावा,’ अशी आर्त हाक ...

जिल्हा परिषद सदस्य आजारी पडल्यास 5 लाखापर्यंतचा उपचार खर्च जि.प.करणार महत्वपूर्ण घोषणा ...

'द एलिफंट व्हिस्पर्स' ही खऱ्या आयुष्यावर आधारित डॉक्युमेंटरी फिल्म आहे. ...

"मी जिथे जिथे जातो, तिथे ही गोष्ट माझ्यासाठी 'डोकेदुखी'च ठरते" ...

प्रदूषण नियंत्रण मंडळ फक्त नोटीसा काढण्याचे काम करते. ठोस कारवाई करत नाही ...