Latest Marathi News

बॉलिवूड सुपरस्टार शाहरुख खान (Shah Rukh Khan) अखेर अब्जाधीश बनला आहे. चित्रपटसृष्टीत ३३ वर्षे घालवल्यानंतर, या सुपरस्टारची एकूण संपत्ती आता $१.४ अब्ज म्हणजेच १२,४९० कोटी रुपये झाली आहे. १ ऑक्टोबर २०२५ रोजी प्रसिद्ध झालेल्या हुरुन इंडिया रिच लिस्ट २०२५ नुसार ही आकडेवारी आहे. शाहरुख खानने भारतातील सर्वात श्रीमंत अभिनेता म्हणून आपले स्थान कायम राखले आहे.शाहरुख खानच्या संपत्तीत सर्वात मोठे योगदान त्याच्या 'रेड चिलीज एंटरटेनमेंट' या प्रॉडक्शन हाऊसचे आहे, जे त्याने २००२ मध्ये सुरू केले. गेल्या दोन दशकात 'रेड चिलीज'ने अनेक हिट चित्रपट बनवले आहेत, तसेच व्हीएफएक्स (VFX) आणि डिजिटल उपक्रमांमध्ये मोठी गुंतवणूक केली आहे. आज ही कंपनी ५०० हून अधिक लोकांना रोजगार देते आणि भारतीय चित्रपटसृष्टीतील सर्वात जास्त नफा कमावणाऱ्या उद्योगांपैकी एक बनली आहे. 'चेन्नई एक्सप्रेस', 'रईस', 'पठाण' हे शाहरुख खानच्या 'रेड चिलीज एंटरटेनमेंट'ने निर्मित केलेले काही ब्लॉकबस्टर चित्रपट आहेत.याशिवाय अभिनेता इंडियन प्रीमियर लीग (IPL) फ्रँचायझी कोलकाता नाईट रायडर्स (KKR)चे सहमालकदेखील आहेत. या फ्रँचायझीला प्रायोजकत्व करार आणि लीग महसूलमधून भरपूर पैसे मिळतात. शाहरुखने रिअल इस्टेटमध्येही मोठी गुंतवणूक केली आहे, ज्यात मुंबईतील त्यांचे प्रतिष्ठित निवासस्थान 'मन्नत', बेव्हरली हिल्समध्ये एक व्हिला, अलिबागमध्ये एक फार्महाऊस आणि लंडन व दुबईतील मालमत्तांचा समावेश आहे.आलिशान गाड्यांचे कलेक्शनशाहरुख खानच्या कार कलेक्शनमध्ये अनेक लक्झरी गाड्यांचा समावेश आहे, ज्यात बीएमडब्ल्यू आणि मर्सिडीझपासून रोल्स-रॉयस आणि ऑडी यांचा समावेश आहे. त्याची सर्वात महागडी गाडी बुगाटी वेरॉन आहे, ज्याची किंमत १२ कोटी रुपये आहे. याशिवाय त्यांच्याकडे ९.५ कोटी रुपयांची रोल्स-रॉयस फँटम आणि ३.२९ कोटी रुपयांची बेंटले कॉन्टिनेंटल जीटी देखील आहे.अब्जाधीश कलाकारांच्या यादीत आणखी कोण कोण आहेत?या यादीत समाविष्ट असलेल्या अन्य भारतीय कलाकारांमध्ये जुही चावला आणि तिच्या कुटुंबाचा समावेश आहे, ज्यांची एकूण संपत्ती ७,७९० कोटी रुपये असल्याचे सांगितले जाते. हृतिक रोशन २,१६० कोटी रुपयांच्या संपत्तीसह तिसऱ्या स्थानावर आहेत. करण जोहर १,८८० कोटी रुपयांच्या संपत्तीसह चौथ्या आणि अमिताभ बच्चन आणि त्यांचे कुटुंब १,६३० कोटी रुपयांच्या संपत्तीसह पाचव्या स्थानावर आहे.शाहरुखने हॉलिवूड स्टार्सनाही टाकलं मागेमागील वर्षी २०२४च्या हुरून इंडिया रिच लिस्टमध्ये शाहरुख खानची नेटवर्थ ७,३०० कोटी रुपये नोंदवण्यात आली होती आणि केवळ एका वर्षात त्याची नेटवर्थ ५ हजार कोटी रुपयांनी वाढून १२,४९० कोटी रुपये झाली आहे. या अभिनेत्याने अनेक हॉलिवूडच्या कलाकारांनाही मागे टाकले आहे. फोर्ब्सनुसार, जगातील सर्वात श्रीमंत अभिनेता आतापर्यंत आर्नोल्ड श्वार्झनेगर होते, ज्यांची नेटवर्थ $१.२ अब्ज आहे. आता $१.४ अब्ज नेटवर्थसह शाहरुख खानने त्यांना मागे टाकले आहे. याशिवाय त्याने $१.९ अब्ज नेटवर्थ असलेल्या ड्वेन जॉनसन आणि ८९१ दशलक्ष (मिलियन) नेटवर्थ असलेल्या टॉम क्रूझला देखील मागे टाकले आहे.

येथील डोंगरी गावातील एका घराशेजारी चार फूट लांबीचा नाग आढळून आला होता. ...

राजरतन ग्लोबल वायर लिमिटेडच्या शेअर्सनी गेल्या तीन वर्षात जबरदस्त परतावा दिला आहे. ...

महापालिका व प्रदुषण मंडळाची कारवाई ...

'किमान ७० ते ७५ मिलीमीटर पाऊस होईपर्यंत शेतकऱ्यांनी पेरणी करू नये' ...

सध्या सोशल मीडियावर एक व्हिडीओ व्हायरल होत आहे. ...

उपचारादरम्यान युवकाचा झाला मृत्यू; सातजणांवर खुनाचा गुन्हा दाखल् ...

RBI ने देशातील सर्व बँकांना बँक लॉकरच्या सुधारित करारावर ग्राहकांना स्वाक्षरी करण्यासाठी मुदतही दिली. ...

कंपनीमधील एकूण उत्पादन खर्च आणि त्याचा ताळमेळ बसवणे कठीण ...