Latest Marathi News

लोकमत न्यूज नेटवर्कअमरावती : बुलढाणा जिल्ह्यातील नांदुरा येथील एका शाळेत कार्यरत वरिष्ठ लिपिकाच्या हत्येचा उलगडा करण्यात गुन्हे शाखेला यश आले आहे. याप्रकरणाच्या मास्टरमाइंड असलेल्या फरार आरोपीने सुमारे दीड लाख रुपयांमध्ये त्या हत्येची सुपारी दिल्याची धक्कादायक माहिती चौकशीअंती पुढे आली आहे. २२ ऑगस्ट रोजी सकाळी ८ च्या सुमारास बडनेरा रेल्वेस्थानक ते तिलकनगर मार्गावर रस्त्याच्या कडेला एक मृतदेह रक्तबंबाळ स्थितीत आढळला होता. अतुल ज्ञानदेव पुरी (वय ५०, रा. पुंडलिकबाबा नगर) अशी मृताची ओळख पटविण्यात आली होती. या हत्येला आर्थिक व्यावहारिक वादाची किनार असण्याची दाट शक्यता पोलिसांनी वर्तविली आहे. मात्र अद्यापही मास्टरमाइंड हाती आला नसल्याने खुनाचे कारण स्पष्ट झालेले नाही.दरम्यान, गुन्हे शाखेच्या पोलिसांनी या हत्या प्रकरणात दोन युवकांना अटक केली. तर, तीन विधिसंघर्ष बालकांनाही चौकशीकरिता ताब्यात घेतल्याची माहिती पोलिस उपायुक्त गणेश शिंदे यांनी रविवारी पत्रपरिषदेत दिली. साहिल ऊर्फ गोलू हरी मोहड (१९, रा. आदिवासी कॉलनी), सक्षम विजय लांडे (१९, रा. सावंगा गुरव, नांदगावखंडेश्वर, ह. मु. व्यंकय्यापुरा, अमरावती ), अशी अटक दोघांची नावे आहेत. खून करताना या दोघांसोबत एक विधिसंघर्षित बालकही होता. अतुल पुरी यांचा खून केल्यानंतर त्यांना पळून जाण्यासाठी अन्य दोन विधिसंघर्ष बालकांनी मदत केली. त्यामुळे एकूण तीन विधिसंघर्ष बालकांना आतापर्यंत चौकशीसाठी ताब्यात घेण्यात आले. आर्थिक व्यवहारातून अतुल पुरी यांच्या हत्येसाठी सुपारी देण्यात आली. सुपारी देणाऱ्या मास्टरमाइंडचा चेहरा उलगडला असला तरी त्याच्या अटकेनंतर हत्येचे कारण स्पष्ट होईल, असे शिंदे म्हणाले. मास्टरमाईंडच्या शोधार्थ पथके रवानाअतुल पुरी यांच्याविरूद्ध गतवर्षी फ्रेजरपुरा पोलिसांत गंभीर गुन्हा दाखल होता. त्यात त्यांना अटक देखील झाली होती. ती घटनादेखील आर्थिक व्यवहारातून घडली होती. त्यामुळे पुरी यांचा खून सुपारी देऊन करवून घेतल्याचे उघड झाले असले तरी कारण मात्र स्पष्ट झाले नाही. त्यामुळे पोलिसांनी जुन्या प्रकरणाचे धागेदोरे जुळविण्याकडे लक्ष वळविले आहे.कारंजा लाडला पळाले२२ ऑगस्ट रोजी सकाळी अतुल पुरी हे बडनेरा रेल्वे स्थानकाकडे दुचाकीने जात होते. त्यावेळी दुचाकीवर असलेल्या तिघांनी पाठलाग करून अडवून त्यांची हत्या केल्याचे सीसीटीव्ही फुटेजमधून स्पष्ट झाले होते. ते तिघेही मारेकरी वर्धा जिल्ह्यातील कारंजा येथे निघून गेले होते. त्यांना गुन्हे शाखेने कारंजालाड येथून अटक करून बडनेरा पोलिसांच्या ताब्यात दिले. पोलिस निरीक्षक संदीप चव्हाण, सहायक पोलिस निरीक्षकत्रयी अमोल कडू, महेश इंगोले व अनिकेत कासार यांच्या पथकाने ही कारवाई केली.

सख्ख्या चुलत भावाला मारण्यासाठी आलेल्या पुतण्याला अडवण्यासाठी चुलते मध्ये आले होते ...

Amravati : जिल्ह्यात ६ लाख २७ हजारांवर लाभार्थी महिला, केवळ ४५ महिलांना लाभनाकारला ...

Ahmedabad Plane Crash: अहमदाबादमध्ये गुरुवारी झालेल्या विमान अपघातात 295 जणांना आपला जीव गमवावा लागला आहे. ...

अहमदाबाद येथील विमान अपघातात अनेक कुटुंबे उद्ध्वस्त झाली असून त्यामध्ये पटोलिया यांचाही समावेश आहे ...

Nagpur : ब्लॅक बॉक्समधून प्राप्त होणाऱ्या रेकॉर्डिंगच्या आधारे संपूर्ण सत्य समोर येईल. ...

हिंदी आणि मराठीत लोकप्रिय असलेल्या अभिनेत्री उषा नाडकर्णी (Usha Nadkarni)सध्या चर्चेत आहेत. ...

पायलच्या विमान अपघाताची बातमी कळताच आईने हंबरडा फोडला तर वडील सुरेश खाटीकही धाय मोकलून रडत होते ...

सोयगाव, कन्नड, पैठण तालुक्यात मोठे नुकसान ...