Latest Marathi News

विरोधकांचा विधानसभेत हल्लाबोल : बोलले तसे वागण्याचा आग्रहनागपूर : अधिवेशनाच्या तिसऱ्या दिवशी दुष्काळावरील चर्चेला सुरुवात झाली. चर्चेत गेल्या १५ वर्षांत आघाडी सरकारने केलेल्या नियोजनशून्य कारभारामुळे, पॅकेजमध्ये केलेल्या घोटाळ्यांमुळे ही वेळ आल्याचे खापर सत्ताधाऱ्यांनी फोडले. तर, आजवर भाजप-सेनेचे नेते ज्या मागण्या करीत होते, त्यांनी त्याच पूर्ण कराव्यात. बोलले तसे वागावे, असा सल्ला विरोधकांनी सत्ताधाऱ्यांना देत त्यांनी कोंडी करण्याचा प्रयत्न केला.शेतकऱ्यांच्या मदतीसाठी १० हजार कोटींचे पॅकेज जाहीर करावे, शेतकऱ्यांचे पीक कर्ज व वीज बिल माफ करून त्यांना नवीन कर्जासाठी पात्र ठरवावे. आत्महत्याग्रस्त शेतकऱ्याच्या विधवेला पेन्शन सुरू करावी व त्याच्या मुलांच्या शिक्षणाचा भार सरकारने उचलावा, अशा मागण्या विरोधकांनी लावून धरल्या. तुम्ही मदतीत कमी पडलात तर आम्ही विरोधात कमी पडणार नाही, असा इशाराही सरकारला देण्यात आला. सत्ताधारी आमदारांनीही दुष्काळ असल्याची कबुली दिली. सरकार उपाय योजेल असा दावा करीत पॅकेजची मागणी करणे मात्र टाळले.विरोधकांनी दिलेला प्रस्ताव न स्वीकारता सत्तापक्षाने नियम २९३ नुसार दिलेल्या प्रस्तावानुसार दुष्काळावर चर्चा घेण्यात आली. चर्चेत विरोधी पक्षातर्फे अजित पवार, पतंगराव कदम, छगन भुजबळ, विजय वडेट्टीवार, गणपतराव देशमुख यांनी आक्रमक भूमिका घेत सरकारची कोंडी केली.चर्चेला सुरुवात करताना आ. चैनसुख संचेती यांनी दुष्काळी परिस्थितीसाठी आघाडी सरकारची चुकीची धोरणे जबाबदार असल्याची टीका केली. आघाडी सरकारने विविध पॅकेज दिले पण ते शेतकऱ्यांपर्यंत पोहचलेच नाही. पंचनामे न केल्यामुळे, नावातील चुका दुरुस्त न केल्यामुळे शेकडो शेतकरी मदतीपासून वंचित राहिल्याचे सांगितले. फडणवीस सरकारने अंतिम आणेवारीची वाट न पाहता शेतकरी हितासाठी ४० हजार पैकी १९ हजार गावे टंचाईग्रस्त जाहीर केल्याचे सांगत त्यांनी सरकारची बाजू मांडली.फडणवीसांच्या काळात सर्वाधिक आत्महत्यामुख्यमंत्रिपद स्वीकारल्यानंतर एक महिन्यात सर्वाधिक आत्महत्या या देवेंद्र फडणवीस यांच्या कार्यकाळात झाल्या आहेत. मराठवाड्यात तर एका महिन्यात ४०० आत्महत्या झाल्या आहेत, असा दावा पवार यांनी केला. मराठवाड्याला विशेष पॅकेज देण्याची मागणी त्यांनी केली.‘धरणा’वरून दादा भडकलेशिवसेना सत्तेत सहभागी झाली नसताना शिवसेना नेत्यांनी केलेली व वर्तमानपत्रात प्रसिद्ध झालेली वक्तव्ये त्यांनी वाचून दाखवित असताना सत्तापक्षात बसलेले योगेश सागर यांनी ‘धरणात पाणी कुठून आले’ ते सांगा, असा टोमणा मारला. यावर दादा चांगलेच भडकले. तुम्हाला मुंबईत राहून दुष्काळ काय कळणार. बसून का बोलता हिंमत असेल तर उभे राहून बोला. आम्ही जे चुकीचे बोललो त्याची शिक्षा भोगली आहे. आता तेच ते परत परत काढू नका. सत्तेत बसून खूप जोर मारत आहात. २०-२५ तर आमचेच बगलबच्चे तिकडे येऊन बसलेले आहेत. आम्हाला फोन करून सांगतात, दादा इकडे करमत नाही, असेही त्यांनी सुनावले.केंद्रीय कृषिमंत्र्यांच्या वक्तव्यावरून कोंडी- लोकसभेत खा. अशोक चव्हाण व खा. सुप्रिया सुळे यांनी दुष्काळाचा प्रश्न प्रभावीपणे मांडला असता त्यावर उत्तर देताना केंद्रीय कृषिमंत्र्यांनी महाराष्ट्र सरकारने अद्याप दुष्काळच जाहीर केलेला नाही, तर मदत कशी करणार, असा खुलासा केल्याचा मुद्दा उपस्थित करीत अजित पवार, छगन भुजबळ, पतंगराव कदम, गणपतराव देशमुख आदींनी राज्य सरकारची कोंडी करण्याचा प्रयत्न केला. केंद्रीय मंत्र्यांनी एकप्रकारे महाराष्ट्राची अब्रु काढली आहे. यावर राज्य सरकारने खुलासा करावा, अशी मागणीही लावून धरण्यात आली.राजकीय टोलेबाजी रंगली- पवार म्हणाले, भाजपने मराठवाड्याला किमान दोन मंत्रिपद दिले आहेत. शिवसेनेने या बाबतीत मराठवाड्यावर अन्याय केला आहे. एकही मंत्रिपद दिलेले नाही. अर्जुन खोतकर, डॉ. मुंदडा हे अनुभवी नेते आहेत. देसाई साहेब (सुभाष) तुम्ही नशीबवान आहात. निवडून न येता मंत्री झालात, असा चिमटाही त्यांनी काढला.

शिंदे-फडणवीस सरकारकडून या वर्षीही शिधापत्रिकाधारकांना आनंदाचा शिधा देण्यात येत आहे. ...

दिवाळी सणानिमित्त बाजारात खरेदीसाठी गर्दी वाढत असल्याने वाहतुकाचीही कोंडी होवून अपघात होत आहे. ...

आदेश बांदेकरांनी कार्यकाळातील एक भावूक व्हिडिओ शेअर केला आहे ज्यामध्ये ते रडत आहेत. ...

ICC ODI World Cup 2023 स्पर्धेत भारतीय संघाची गाडी सूसाट पळत आहे. भारताने ८ पैकी ८ सामने जिंकून अपराजित्व कायम राखले आहे. ...

माध्यमिक शिक्षणाधिकारी पदमुक्त ...

तीन जणांवर मुंढवा पोलिस ठाण्यात गुन्हा दाखल करण्यात आला असून, दोघांना अटक ...