Latest Marathi News

पाचवड : स्वत:च्या मुलीवर लैंगिक अत्याचार करणाऱ्या पित्यासह संबंधित अल्पवयीन मुलीलाही पाचवडच्या गोपाळवस्तीमध्ये दोरखंडाने बांधून सर्वांसमक्ष अमानुषपणे काठ्यांचे फटके मारणाऱ्या सात पंचांना भुर्इंज पोलिसांनी गजाआड केले आहे. तसेच, ‘त्या’ पित्यालाही बाल लैंगिक अत्याचारप्रकरणी सातारा तालुका पोलिसांनी ताब्यात घेतले आहे.गोपाळ समाजातील सर्जेराव पवार (रा. पाचवड), शिवाजी पवार (रा. सुरूर), सर्जेराव चव्हाण (रा. भुर्इंज), राजाराम चव्हाण (रा. कडेगाव), जीवन पवार (रा. नागेवाडी, ता. सातारा), दत्तू चव्हाण (रा. जोशी विहीर) आणि अरुण दिलीप जाधव (रा. पेरले, ता. कऱ्हाड) अशी अटक केलेल्या पंचांची नावे आहेत.याबाबत माहिती अशी की, गोपाळ समाजातील एक इसम मूळचा कर्नाटकातील असून, तो सध्या सातारा तालुक्यात राहत आहे. काही दिवसांपूर्वीच त्याच्या पत्नीचे निधन झाले. पत्नीच्या निधनानंतर त्याने स्वत:च्या अल्पवयीन मुलीवर लैंगिक अत्याचार केला. या घटनेबाबत त्याने व त्याच्या मुलीने कुठेही वाच्यता केली नाही; परंतु पत्नीचे श्राद्धकार्य करताना आपल्या हातून मोठा अनर्थ झाल्याचा साक्षात्कार त्याला झाला. त्यानंतर त्याने ठिकठिकाणच्या जात प्रमुखांशी संपर्क साधून त्यांना आपल्या हातून घडलेला हा किळसवाणा प्रकार सांगितला. यावर उपाय म्हणून पाचवड येथील गोपाळ वस्तीत तातडीने सर्वानुमते जातपंचायत बोलावली गेली. शासनाने निर्बंध घातलेले असतानाही या जातपंचायतीमध्ये तो व त्याच्या अल्पवयीन मुलीस सात हजार रुपये दंड, तसेच प्रत्येकी दहा काठ्यांचे फटके मारण्याची शिक्षा ठोठाविण्यात आली. त्याप्रमाणे त्या दोघांना दोरखंडाने बांधून नंतर सर्वांसमक्ष अमानुषपणे काठ्यांनी दहा-दहा फटके मारण्यात आले. यावेळी या ठिकाणी उपस्थित असलेला संपूर्ण समाज ही घटना उघड्या डोळ्यांने पाहत होता. त्या पिता-पुत्रीने ही शिक्षा निमूटपणे भोगल्यानंतरच त्यांना समाजात सामील करून घेण्यात आले. दरम्यान, येथीलच एक तरुण सचिन भिसे याने गुपचूपपणे या सर्व घटनेचे चित्रीकरण करून त्याची ‘व्हिडीओ क्लिप’ भुर्इंज पोलीस ठाण्यास स्वाधीन केल्यानंतर यंत्रणा कामाला लागली. पोलिसांनी गोपाळ समाजातील सात पंचांविरुद्ध फिर्याद दाखल करून घेतली. नंतर भुर्इंजचे सहायक पीएसआयपवार यांनी जातपंचायतीत उपस्थित असणाऱ्या सर्व पंचांना ताब्यातघेतले.हमीद दाभोलकर यांची गोपाळवस्तीस भेटपाचवड येथील गोपाळवस्तीतील घटनास्थळास अंधश्रद्धा निर्मूलन समितीचे राज्य सरचिटणीस हमीद दाभोलकर यांनी शुक्रवारी भेट दिली. त्यांनी या घटनेची माहिती घेतली. अशा घटना घडू नयेत म्हणून काय उपाययोजना करता येतील, यासंबंधी भुर्इंजचे सहायक पोलीस निरीक्षक नारायण पवार यांच्याशी चर्चाही केली. /संबंधित वृत्त हॅलो १

पहिल्या डावात १०० हून अधिक धावांची आघाडी घेऊनही भारतावर प्रथमच पराभवाची नामुष्की ओढावली ...

Mannara chopra: मन्नारा प्रियांकाची आत्येबहीण आहे हे फार कमी जणांना ठावूक आहे ...

सगेसोयऱ्यांबाबत सुप्रीम कोर्टाचे निर्णय एकत्रित करुन भूमिका मांडू - भुजबळ ...

आरोपीने रजिस्ट्रेशन फी, कन्सल्टेशन फी, विजासाठी लागणारी फी अशी वेगवेगळी कारणे देत पैश्यांचा तगादा लावला ...

अंकिताच्या सासूचा व्हिडिओ व्हायरल ...

गुंतवणूक केल्यास चांगला परतावा मिळतो असे सांगितल्यानंतर शेअर्स आणि आयपीओ यामध्ये गुंतवणूक करण्यास भाग पाडले ...

बिन्नी बन्सल यांनी काही दिवसांपूर्वीच OppDoo हे नवीन व्हेन्चर लाँच केले होते. त्यात आता ते लक्ष घालणार आहेत. ...

लोकसभा निवडणुकीच्या पार्श्वभूमीवर अर्थसंकल्पात मोठ्या घोषणा होण्याची अपेक्षा आहे. ...