Latest Marathi News

वर्षभरात १२९२ नोंदणी विवाह: दीडपटीने प्रमाण वाढलेनागपूर : पारंपरिक पद्धतीने होणार्या विवाहावर लाखो रुपये उधळण्याऐवजी कायदेशीर मान्यतेची हमी असणार्या नोंदणी विवाहाकडे अलीकडच्या काळात लोकांचा कल वाढतो आहे. जानेवारी ते डिसेंबर २०१३ या काळात नागपूर जिल्ह्यात १२९२ विवाह नोंदणी पद्धतीने झाले. दोन वर्षात ही संख्या दीडपटीने वाढली आहे. ना जातीची अडचण ना पैशाची उधळपट्टी, उलट कायदेशीर मान्यता हे नोंदणी विवाहाचे वैशिष्ट्य आहे. त्यामुळेच सर्वसामान्यांचा कल नोंदणी पद्धतीने विवाह करण्याकडे वाढू लागला आहे. दोन भिन्न जाती किंवा धर्मातील तरुण-तरुणी त्यांच्या घरातून विरोध झाल्यास नोंदणी विवाहाचा पर्याय निवडतात. याशिवाय ज्यांना परदेशी जायचे आहे किंवा तेथे स्थायिक व्हायचे असेल तर पासपोर्टसाठी नोंदणी विवाहाचे प्रमाणपत्र प्रमुख ‘डॉक्युमेन्ट’ मानले जाते. म्हणून अनेक श्रीमंत परिवारातील विवाह नोंदणी पद्धतीने केले जातात व नंतर पारंपरिक पद्धतीने स्वागत समारंभ पार पाडले जातात. अशा प्रकारचे अनेक विवाह या कार्यालयात झाले असल्याने विवाह अधिकारी के.पी. वासनिक यांनी सांगितले. २०१० या वर्षात एकूण ८७४ नोंदणी विवाह झाले होते. २०११ मध्ये ही संख्या १०९४ होती. तर २०१२ मध्ये ही संख्या ११९३ वर गेली. २०१३ मध्ये १२९२ नोंदणी विवाह झाले. १ जानेवारी ते एप्रिल २०१४ पर्यंत ७०० जोडपी याच पद्धतीने विवाहबद्ध झाली. या विवाहासाठी खर्च अत्यल्प प्रमाणात येतो. ज्यांना विवाह करायचा आहे त्यांनी विवाह नोंदणी कार्यालयाकडे अर्ज करायचा असतो. मुलगा किंवा मुलगी ही नागपूर जिल्ह्यातील रहिवासी असणे बंधनकारक आहे. अर्ज केल्यावर नोटीस जारी केली जाते. यासाठी ५० ते १०० रुपये आकारले जाते. नोटीस जारी केल्यावर त्यावर काही आक्षेप आले नाही तर ९० दिवसाच्या आत नोंदणी प्रक्रिया पूर्ण करावी लागते. नोटीस दिल्यानंतर विवाह न करण्याचे प्रमाण अत्यल्प आहे. विवाहानंतर प्रमाणपत्र दिले जाते. सर्वसामान्यपणे प्रेमीयुगुलाकंडून नोंदणी विवाहाचा पर्याय पूर्वी निवडला जायचा. पण आता असे राहिले नाही.

याप्रकरणी लोणी काळभोर पोलिसांनी तरुणावर गुन्हा दाखल केला आहे... ...

हा खटला म्हणजे केवळ उद्धव ठाकरेंचा नाही. वाईट प्रवृत्तीचे राजकारण वाढत राहणार हा चिंतेचा मुद्दा आहे ...

राज्यपाल बैस म्हणाले, नव्या शैक्षणिक धोरणात उच्च शिक्षणाला प्राधान्य देण्यात आले आहे... ...

चौकशी दरम्यान दोघेही घाबरले होते. ज्यानंतर त्यांच्या कुटुंबियांना माहिती देऊन बोलवून घेतलं. ...

'स्वागत सेल'साठी संपर्क कसा करावा, वाचा सविस्तर ...

मुंबई-बंगळुरू फ्लाईटमध्ये घडली घटना; कंपनीने परत केले तिकीटाचे पैसे. ...