Latest Marathi News

Delhi BMW Case: दिल्लीतील बीएमडब्ल्यू अपघात प्रकरणातील आरोपी गगनप्रीतला पटियाला हाऊस न्यायालयाने जामीन मंजूर केला आहे. न्यायालयाने आणखी दोन जामीनदारांच्या अधीन राहून एक लाखांच्या हमीवर जामीन मंजूर केला. आरोपीने जामीन अर्जात आरोग्य आणि कौटुंबिक परिस्थितीचा उल्लेख केल्यानंतर न्यायालयाने जामीन मंजूर केला. जामिनावर काही अटी घालण्यात आल्या होत्या, ज्यात त्याचा पासपोर्ट जमा करणे आणि प्रत्येक सुनावणीला न्यायालयात उपस्थित राहणे हे समाविष्ट होते.१४ सप्टेंबर रोजी दिल्लीतील धौला कुआंजवळ झालेल्या बीएमडब्ल्यू अपघातातील आरोपी गगनप्रीत कौरला पटियाला हाऊस न्यायालयाने जामीन मंजूर केला. जामीन मंजूर करताना न्यायालयाने अपघातानंतर घटनास्थळी आलेल्या रुग्णवाहिकेवर प्रश्नचिन्ह उपस्थित केले. "अपघातानंतर ३० सेकंदांसाठी एक रुग्णवाहिका घटनास्थळी उपस्थित होती आणि ती जवळच्या रुग्णालयात जात होती. तरीही, ती जखमींना घेऊन गेली नाही. हा निष्काळजीपणा नाही का? काही सेकंदातच रुग्णवाहिका घटनास्थळी पोहोचली आणि ३० सेकंदांसाठी तिथेच थांबली. पण जखमींना रुग्णालयात नेण्यात आले नाही. त्या रुग्णवाहिकेला कोणतीही आपत्कालीन परिस्थिती नसतानाही, ती जवळच्या आर्मी बेस रुग्णालयात जात होती," असं न्यायालयाने म्हटलं.त्या रुग्णवाहिकेचे काय करायचं? निष्काळजीपणामुळे एकाचा मृत्यू झाल्याबद्दल ते दोषी नाहीत का? असं असं न्यायालयाने पोलिसांना विचारलं. न्यायालयाने म्हटले की, रुग्णवाहिकेत जखमींना रुग्णालयात नेणे बंधनकारक होते. नर्सने जवळच्या लोकांना विचारले की कोणाला मदत हवी आहे का, तरीही ती ३० सेकंदांच्या आत घटनास्थळावरून निघून गेली. हा वैद्यकीय निष्काळजीपणा नाही का? असा सवाल न्यायालयाने केला.अर्थ मंत्रालयातील वरिष्ठ अधिकारी नवज्योत सिंग यांच्या दुचाकीला धडक देणाऱ्या बीएमडब्ल्यू कारला ३८ वर्षीय गगनप्रीत कौर चालवत असल्याचा आरोप आहे. या घटनेत सिंग यांचा मृत्यू झाला आणि त्यांची पत्नी गंभीर जखमी झाल्या. ही घटना रविवारी, १४ सप्टेंबर रोजी घडली जेव्हा नवज्योत सिंग आणि त्यांची पत्नी संदीप बांगला साहिब गुरुद्वाराहून परतत होते.दरम्यान, पटियाला हाऊस कोर्टात आरोपी महिला गगनप्रीतच्या जामीन अर्जावर विचार करताना न्यायालयाने घटनेशी संबंधित सीसीटीव्ही फुटेज देखील पाहिले. या दरम्यान, दिल्ली पोलिसांनी युक्तिवाद केला की न्यू लाईफ नर्सिंग होम गंभीर आजार आणि अपघातांनी ग्रस्त असलेल्यांना त्वरित आणि योग्य उपचार देत नाही आणि अपघातस्थळाजवळ अनेक विशेष रुग्णालये होती, पण जखमींना तिथे नेण्यात आले नाही.यावर गगनप्रीतच्या वकिलाने सांगितले की, "गगनप्रीतने तिच्या जखमी पतीला सोडून दिले आणि नवज्योत सिंग यांना ताबडतोब रुग्णालयात नेले. जर जखमींना मदत करणाऱ्या प्रत्येक व्यक्तीवर असे आरोप लावले गेले तर कोणीही मदत करण्याचे धाडस करणार नाही. पीसीआरलाही फोन करण्यात आला आणि कॉल रेकॉर्ड पोलिसांना देण्यात आले. गगनप्रीतने सर्वोच्च न्यायालयाच्या मार्गदर्शक तत्त्वांचे पूर्णपणे पालन केले."

पतीने जेव्हा बाळाच्या नावाबाबत आपलं मत पत्नीसमोर मांडलं तेव्हा पत्नीने नाव ऐकून घटस्फोटाचा विचार केला. ...

एकंदरीतच पंतप्रधान किसान सन्मान निधी योजनेचे काम संथगतीने सुरू असल्याने अडचण उभी राहिली आहे. ...

अटी शिथिल करण्यासाठी प्रस्ताव देण्याची सूचना ...

उद्धव ठाकरे यांचे कोपरगावातील मेळाव्यातून शिवसैनिकांना आवाहन ...

तीन वर्षांसाठी वेतनवाढ का रोखू नये?, खुलासा करण्याचा आदेश ...

रस्ता फुटपाथवर कचरा टाकल्या प्रकरणी ३ व्यक्तींवर कारवाई केली. ...

'चला हवा येऊ द्या' फेम कुशल बद्रिकेने आपल्या पत्नीसाठी'व्हॅलेंटाईन डे'निमित्ताने खास पोस्ट केली. ...