Latest Marathi News

सचिन काकडेसातारा : विजेच्या वाढत्या बिलांनी मेटाकुटीला आलेल्या साताऱ्यातील ५ हजार २६ कुटुंबांच्या घरात पंतप्रधान सूर्यघर मोफत वीज योजनेने ‘सूर्य’क्रांती घडवून आणली आहे. या योजनेमुळे घराच्या छतावर ‘सोलर रूफटॉप’ यंत्रणा बसवून हे नागरिक स्वत:च स्वतःची वीज तयार करत आहेत, ज्यामुळे त्यांचे मासिक वीजबिल कायमचे शून्य झाले आहे. या कुटुंबांची एकूण स्थापित वीज क्षमता १६.५ मेगावॅट इतकी आहे.वीजबिलातून कायमची सुटकाज्या घरांमध्ये महिन्याला हजारो रुपये वीजबिल येत होते, त्याच घरांमध्ये आता महिन्याला सरासरी ११ लाख ५० हजार युनिट सौर वीज तयार होत आहे. या ग्राहकांनी त्यांच्या वीज वापराची चिंता कायमची मिटवली आहे. स्वतःची वीज वापरून उरलेली वीज ते महावितरणला विकता येते व गरज भासेल तेव्हा महावितरणकडून मोफत घेताही येते.नेमकी काय आहे ही योजना?सूर्यघर मोफत वीज योजना हा शासनाचा महत्वाकांक्षी प्रकल्प आहे. ज्या अंतर्गत देशातील घरगुती ग्राहकांना त्यांच्या घराच्या छतावर सोलर रूफटॉप पॅनेल बसवण्यासाठी शासनाकडून प्रोत्साहन दिले जाते. तसेच प्रकल्पाच्या क्षमतेनुसार अनुदानही दिले जाते. ही योजना प्रामुख्याने सर्वसामान्य घरगुती ग्राहकांसाठी आहे. ज्याला विजेच्या बिलातून कायमची सुटका हवी आहे, तो या योजनेचा लाभ घेऊ शकतो. या योजनेत कोणत्याही वर्गासाठी किंवा आर्थिक गटासाठी कोणतीही मर्यादा नाही. शहरी किंवा ग्रामीण भागातील कोणताही ग्राहक या योजनेसाठी पात्र आहे.सौर प्रकल्प बसविलेले ग्राहक तालुकानिहायसातारा : २०००कराड : १४८२फलटण : ७७७वडूज : ४१४वाई : ३५१क्षमतेनुसार असे मिळते अनुदानकिलोवॅट - रक्कम१ - ३० हजार२ - ६० हजार३ - ७८ हजारअसे होताहेत फायदेवीजबिलातून कायमची मुक्ती : एकदा ही यंत्रणा बसवल्यानंतर, वीज निर्मिती सुरू होते. वीजबिल शून्यावर येते. एक किलोवॅट क्षमतेच्या प्रकल्पातून महिन्याला सरासरी १०२ युनीट वीज तयार होते.विजेच्या बदल्यात वीज : गरजेपेक्षा जास्त वीज तयार झालेली वीज नेट मीटररिंगद्वारे महावितरणला विकता येते. तसेच गरजेनुसार महावितरण कडून मोफत वीज घेता येते.पर्यावरणाची काळजी : अपारंपरिक ऊर्जा साधनांचा वापर करून वीज निर्मिती केली जात आहे. त्यामुळे पर्यावरणाचे रक्षण होते आणि प्रदूषण कमी होते.असे होते वीजबिल शून्यजर का एखाद्या ग्राहकाचा वीजवापर मासिक २०० यूनिट आहे. घरगुती दराप्रमाणे त्या ग्राहकाला स्थिर आकार, वीज आकार, वहन शुल्क असे सर्व प्रकारचे कर मिळून प्रति युनीट ११ रुपये १० पैसे प्रमाणे मासिक २ हजार २०० रुपये बिल येत असेल तर त्या ग्राहकाची वार्षिक २६ हजार ६४० रुपयांची बचत होते.

अपहरण केलेल्या मुलीला तमाशाच्या फडात विकण्याचा डाव जालना एलसीबीच्या पथकाने उधळून लावला ...

Prasad Oak : प्रसाद ओक याने नुकतेच दिलेल्या मुलाखतीत कोरोना काळातील त्याच्या आयुष्यातील एक कटू प्रसंग सांगितला. ...

Sharayu sonawane: खऱ्या आयुष्यात झालंय 'पारु'चं लग्न; वर्षभरानंतर शेअर केले शरयूने विवाहसोहळ्याचे फोटो ...

कोल्हापुरात नेत्यांची मांदियाळी, जोडण्या वेगावल्या.. ...

कोल्हापुरातून रत्नाप्पाण्णा कुंभार, बाळासाहेब खर्डेकर, भाऊसाहेब महागांवकर विजयी ...