Latest Marathi News

गडचिरोली : एटापल्ली तालुक्यातील गट्टा जांबिया पोलिस ठाणे हद्दीतील मोडस्के जंगल परिसरात झालेल्या चकमकीत दोन महिला नक्षलवाद्यांचा खात्मा करण्यात पोलिसांना १७ सप्टेंबर रोजी यश आले आहे. घटनास्थळावरून ए-४७ रायफल, अत्याधुनिक पिस्तूल, जिवंत दारुगोळा व माओवादी साहित्य मोठ्या प्रमाणावर जप्त करण्यात आले आहे. या चकमकीमुळे माओवादी संघटनांना मोठा धक्का बसला आहे.मोडस्के जंगल परिसरात काही माओवादी दडून बसल्याची माहिती मिळाली होती. त्यानुसार, अहेरी येथून अपर अधीक्षक सत्यसाई कार्तिक यांच्या नेतृत्वात सी-६० जवान १७ रोजी सकाळी सात वाजता रवाना केले होते, केंद्रीय राखीव पोलिस दलाच्या १९१ बटालियनची कंपनी व गट्टा जांबिया ठाण्यातील पथकाच्या मदतीने सी- ६० जवानांनी संपूर्ण जंगलाला वेढा टाकून १ नक्षलविरोधी अभियान सुरु केले. मृत माओवाद्यांची ओळख पटविणे सुरुया अभियानादरम्यान माओवाद्यांनी जवानांच्या दिशेने गोळीबार केला, यास जवानांनी चोख प्रत्युत्तर दिले. चकमकीनंतर परिसरात घेण्यात आलेल्या सर्च ऑपरेशनमध्ये दोन महिला नक्षलवाद्यांचे मृतदेह आढळले. त्यांची ओळख पटविण्याचे काम सुरू असून, ते गट्टा दलमशी संबंधित असल्याचा प्राथमिक अंदाज पोलिसांनी व्यक्त केला आहे.घटनास्थळी काय आढळले ?घटनास्थळावरून पोलिसांनी एक ए-४७ रायफल, एक अत्याधुनिक पिस्तूल, जिवंत दारुगोळा तसेच माओवादी साहित्य जप्त केले आहे. या धडक कारवाईमुळे नक्षलवाद्यांची कंबर मोडली असून, जवानांचे अभियान अजूनही सुरू आहे, असे पोलिस अधीक्षक नीलोत्पल यांनी सांगितले.

Puja Tomar vs Dos Santos : पूजा तोमर UFC मध्ये बाउट जिंकणारी पहिली भारतीय बनली आहे. ...

Daily Horoscope: जाणून घ्या कसा असेल तुमचा आजचा दिवस... ...

आयपीएल २०२४ चा हंगाम गाजवणाऱ्या अभिषेक शर्माचा फॉर्म कायम आहे. ...