Latest Marathi News

अकोला: शहरातील प्रसिद्ध व्यावसायी तसेच उद्योजक किशोर खत्री हत्याकांड प्रकरणातील आरोपी रणजितसिंह चुंगडे व निलंबित पोलीस कर्मचारी जस्सी ऊर्फ जसवंत सिंह या दोघांचा जामीन अर्ज मुंबई उच्च न्यायालयाच्या नागपूर खंडपीठाने शुक्रवारी फेटाळला. जिल्हा व सत्र न्यायालयाने या दोघांचा जामीन अर्ज यापूर्वीच फेटाळला असून त्यानंतर आता नागपूर खंडपीठानेही आरोपींना जामीन नाकारला. खोलेश्वर परिसरात निर्माणाधीन असलेल्या बालाजी मॉलच्या आर्थिक देवाण-घेवाणीतून किशोर खत्री यांची सोमठाणा शेत शिवारामध्ये ३ नोव्हेंबर रोजी बंदुकीच्या गोळय़ा झाडून व धारदार शस्त्रांनी हत्या करण्यात आली होती. किशोर खत्री यांचे बंधू दिलीप खत्री यांनी जुने शहर पोलीस ठाण्यात दिलेल्या तक्रारीवरून पोलिसांनी रणजितसिंह चुंगडे, पोलीस कर्मचारी जस्सी ऊर्फ जसवंत सिंह चौहान, अंकुश चंदेल व राजू मेहेर यांच्याविरुद्ध हत्येचा गुन्हा दाखल करून त्यांना अटक केली आहे. यामधील रणजितसिंह चुंगडे व पोलीस कर्मचारी जस्सी ऊर्फ जसवंत सिंह चौहान या दोघांनी जामीन मिळविण्यासाठी जिल्हा व सत्र न्यायालयात अर्ज केला होता; मात्र न्यायालयाने या दोघांचा जामीन अर्ज फेटाळल्यानंतर त्यांनी मुंबई उच्च न्यायालयाच्या नागपूर खंडपीठात जामिनासाठी अर्ज दाखल केला होता; परंतु न्यायालयाला सुटी असल्याने या अर्जावरील सुनावणी लांबली. शुक्रवारी नागपूर खंडपीठात या दोन्ही आरोपींच्या जामीन अर्जावर सुनावणी झाली असून न्यायालयाने आरोपींचा जामीन अर्ज फेटाळला. त्यामुळे रणजितसिंह चुंगडे व जस्सी या दोघांचा कारागृहातील मुक्काम लांबला आहे. या प्रकरणी सरकार पक्षातर्फे अँड. संग्राम शिरपूरकर आणि अँड. मुन्ना खान यांनी कामकाज पाहिले.

आजपासून भारत आणि झिम्बाब्वे यांच्यातील पाच सामन्यांच्या ट्वेंटी-२० मालिकेला सुरुवात होत आहे. ...

वसुलीसाठी व्यावसायिकांना नोटिसा ...

भर पावसात मंत्री चंद्रकांत पाटलांच्या उपस्थितीत मेळाव्यातील पुरस्कारांचे वितरण करण्यात आले. ...

बीड जवळील बायपासवरून जाताना दोन मित्र धावत्या दुचाकीवर रिल्स बनवत असताना दुर्घटना ...

अद्याप २८ बंधारे पाण्याखाली : पाच मार्गावरील वाहतूक बंद ...

वर्ल्डकप फायनल कधीच मुंबईतुन दूर नेऊ नका, म्हणणाऱ्या आदित्य ठाकरेंना बीसीसीआयने प्रत्युत्तर दिलं आहे. ...

Kushal Badrike : नुकतेच कुशलने ‘मॅडनेस मचाएंगे’च्या सेटवरील फोटो शेअर करत पोस्ट लिहिली आहे. ...

आज रणवीर सिंगचा वाढदिवस. त्यानिमित्ताने अक्षयने शेअर केलेला रणवीरचा व्हिडीओ चर्चेत आहे (akshay kumar, ranveer singh) ...