Latest Marathi News

नागपूर : दक्षिण नागपूरमधील चक्रधरनगर येथे संजूबा हायस्कूलजवळ विजेच्या खांबावर काम करत असताना ठेकेदाराच्या कर्मचाऱ्याचा कोसळून मृत्यू झाला. सकाळपासून या भागात देखभाल दुरुस्तीचे काम सुरू असताना दुपारी २ वाजता हा अपघात घडल्याने माेठीच खळबळ उडाली. त्यामुळे या परिसरातील अनेक वस्त्यांमध्ये दिवसभर वीज पुरवठा खंडित राहिला हाेता.मिळालेल्या माहितीनुसार महावितरणने मंगळवारी चक्रधरनगर, अयोध्यानगर आणि आजूबाजूच्या परिसरात देखभाल दुरुस्तीच्या कामासाठी सकाळी १०.३० वाजतापासून वीजपुरवठा बंद ठेवण्यात आला हाेता. त्याची सुचनाही नागरिकांना देण्यात आली हाेती. दरम्यान दुपारी सुमारे २ वाजता ए. डी. इंटरप्रायझेस या ठेकेदार कंपनीचे कर्मचारी झामसिंह उइके आपल्या 'भुरे' नावाच्या सहकाऱ्यासोबत संजूबा हायस्कूलजवळील भीष्म अपार्टमेंटच्या विजेच्या खांबावर जंपर बसवत होते. सुरक्षा म्हणून झुल्याचा वापर करण्यात आला होता.प्रत्यक्षदर्शींनी दिलेल्या माहितीनुसार, अचानक झामसिंह यांचा तोल गेला आणि ते झुल्यासह खाली कोसळले. झुल्याचा कील त्यांच्या डोक्यावर आदळला. उपकार्यकारी अभियंता सुनील जैन यांनी सांगितले की, जखमी अवस्थेत त्यांना तातडीने मेडिकल कॉलेज रुग्णालयात नेण्यात आले, पण तिथे डॉक्टरांनी त्यांना मृत घोषित केले. सक्करदरा पोलिस ठाण्यात एफआयआर नोंदविण्यात आला आहे. सध्या ही घटना अपघात आहे की निष्काळजीपणामुळे घडली, याचीही चौकशी सुरू आहे.साडेसहा तासानंतर सायंकाळी ५ वाजता सुरू झाली वीजदुरुस्तीच्या कामासाठी सकाळी १०.३० वाजतापासून वीज पुरवठा बंद करण्यात आला हाेता. मात्र २ वाजता हा अपघात टडल्यानंतर घटनेची माहिती तात्काळ इलेक्ट्रिकल इन्स्पेक्टर यांना देण्यात आली. त्यांच्या टीमने संपूर्ण परिसरातील वीज तारांची पाहणी केली. तपास केल्यानंतर टीमकडून परवानगी मिळाल्यानंतर संध्याकाळी ५ वाजता विजेचा पुरवठा पुन्हा सुरू करण्यात आला. यादरम्यान, परिसरातील सुमारे १५०० ग्राहकांना सकाळी १०.३० ते संध्याकाळी ५ वाजेपर्यंत विजेविना राहावे लागले. त्यामुळे नागरिकांना मनस्ताप सहन करावा लागला.

Share Market Today : सेन्सेक्स 545 तर निफ्टी 134 अंकांनी घसरले. ...

कोण आहे क्रितीचा बॉयफ्रेंड? ...

Chandrapur : २९ जुलै रोजी वाघ संवर्धनासाठी जागृती करण्यासाठी केला जातो आंतरराष्ट्रीय व्याघ्र दिन साजरा ...

दूध घरात राहिल्याने शेतकऱ्यांचे दुहेरी नुकसान ...

कोरोना आजारासाठी 'कोरोनील' औषध गुणकारी असल्याचा दावा बाबा रामदेव यांनी केला होता. ...

मुंबई उच्च न्यायालयाने शिवसेना शिंदे गटाचे खासदार रवींद्र वायकर यांना समन्स बजावले आहे. ...