कोल्हापूर : मागील हंगामातील प्रतिटन दोनशे रुपयांसह एफआरपीचे पैसे थकवलेल्या आठ कारखाने व चालू हंगामातील एफआरपीपेक्षा कमी उचल देऊन हंगाम सुरू करणाऱ्या कारखान्यांवर कारवाई करा. जोपर्यंत ठोस निर्णय होत नाही तोपर्यंत जिल्ह्यातील एकाही कारखान्याचे धुराडे पेटू देणार नाही, असा इशारा स्वाभिमानी शेतकरी संघटनेचे नेते राजू शेट्टी यांनी दिला. एकाही कारखान्याचे धुराडे आजपासून पेटू देणार नसल्याचेही त्यांनी सांगितले.जिल्हाधिकारी अमोल येडगे यांच्या अध्यक्षतेखाली सोमवारी जिल्हाधिकारी कार्यालयात सर्व शेतकरी संघटनांच्या प्रतिनिधींची बैठक घेण्यात आली. शेट्टी म्हणाले, गेल्या हंगामात तत्कालीन मुख्यमंत्र्यांनी मध्यस्थी करून तोडगा काढला होता. त्यानुसार किती कारखान्यांनी ५० व १०० रुपये दिले. ऊस तोडणी-ओढणीमध्ये मनमानी कपात करून फसव्या एफआरपीतून शेतकऱ्यांची लूट सुरू आहे. एकाच तालुक्यातील तुटलेल्या उसाचे गाळप करणाऱ्या दोन कारखान्यांची एफआरपी वेगळी कशी? ही मखलाशी खपवून घेणार नसून कायद्यानुसार पैसे द्या अन्यथा गाठ शेतकऱ्यांशी आहे.
वाचा : तोडगा निघालाच नाही; नेमका तिढा काय?, बैठकीत काय झालं..वाचा; गुरुवारी पालकमंत्री घेणार बैठकमागील हंगामातील एफआरपी थकवणाऱ्या कारखान्यांवर काय कारवाई केली? अशी विचारणा करत आंदोलन अंकुशचे धनाजी चुडमुंगे म्हणाले, जिल्ह्यातील आठ कारखान्यांनी उच्च न्यायालयाचा अवमान करणाऱ्यांना गाळप परवाना दिलाच कसा? तातडीने हे कारखाने बंद करा.दरम्यान, याबाबत गुरुवारी (दि. ६) पालकमंत्री प्रकाश आबिटकर यांच्यासोबत ऊस दराबाबत बैठक आयोजित केल्याचे जिल्हाधिकारी येडगे यांनी सांगितले.
अध्यक्षांना कमीपणा वाटतोय का?बैठकीला कारखान्यांचे अध्यक्ष का आले नाहीत..? यावर हरकत घेत शेट्टी म्हणाले, कार्यकारी संचालक निर्णय घेणार आहेत का? बैठकीत येऊन शेतकऱ्यांना हिशोब सांगायला कारखान्याच्या अध्यक्षांना कमीपणा वाटतोय का..?मुख्यमंत्र्यांनी हस्तक्षेप करावाऊस दराबाबत मुख्यमंत्र्यांनी हस्तक्षेप करून ठोस निर्णय घ्यावा. अन्यथा बुधवारी त्यांना कोल्हापुरात विचारू, असेही शेट्टी यांनी सांगितले.कारखान्यांची एफआरपी व जाहीर केलेली उचल प्रतिटन...
| कारखाना | एफआरपी (रुपये) | पहिली उचल (रुपये) | फरक |
| बिद्री | ३५५२ | ३४५२ | १०० |
| भोगावती | ३६५२ | ३४०० | २५२ |
| कुंभी | ३५५८ | ३५०० | ५८ |
| दालमिया | ३६४२ | ३५२५ | १४७ |
| शाहू | ३३८० | ३४०० | २० जास्त |
| मंडलिक | ३४१० | ३४१० | - |
| दत्त शिरोळ | ३३७७ | ३४०० | २३ जास्त |
| पंचगंगा | ३५१८ | ३५१८ | - |
| शरद | ३२३६ | अद्याप जाहीर नाही | - |
| डी. वाय. पाटील | ३३२५ | ३४०० | - |
| गायकवाड | ३२७५ | अद्याप जाहीर नाही | - |
| गुरुदत्त | ३२५० | ३४०० | - |
| घोरपडे | ३३६९ | ३४०० | - |
| नलवडे | ३१०० | अद्याप जाहीर नाही | - |
| अथणी तांबाळे | ३०८० | ३४०० | - |
Web Summary : Raju Shetti warns factories against starting crushing until pending sugarcane payments are cleared and fair rates are decided. He demanded action against factories violating FRP norms, threatening protests. A meeting with the Guardian Minister is scheduled to discuss the issue.
Web Summary : राजू शेट्टी ने चेतावनी दी है कि जब तक लंबित गन्ना भुगतान नहीं हो जाता और उचित दरें तय नहीं हो जातीं, तब तक कारखाने पेराई शुरू न करें। उन्होंने एफआरपी मानदंडों का उल्लंघन करने वाली मिलों के खिलाफ कार्रवाई की मांग की और विरोध प्रदर्शन की धमकी दी। इस मुद्दे पर चर्चा के लिए पालक मंत्री के साथ बैठक निर्धारित है।