चुलता-पुतणीच्या अचानक निधनाने उदगावात हळहळ

निधन झाले होते. तद्नंतर शनिवारी पुतणी अर्पिता अनिल टारे (१७) हिचा मृत्यू झाला. एकाच कुटुंबातील लागोपाठ दोघांच्या निधनामुळे उदगांवमध्ये हळहळ व्यक्त होत आहे.

याबाबत अधिक माहिती अशी की, एक महिन्यापूर्वी या मुलीचे चुलत काका बिपीन बंडू टारे यांचे निधन झाले आहे. त्यानंतर गेल्या आठ दिवसांपूर्वी सख्खे काका सुनील बाबूराव टारे यांची तब्येत बिघडल्याने त्यांना सांगली येथील भारती हॉस्पिटलमध्ये दाखल करण्यात आले होते. काकांना बघण्यासाठी अर्पिता आपल्या कुटुंबासह मंगळवारी रुग्णालयात गेली होती. दरम्यान, त्यांना रुग्णालयामध्ये आजारी पाहून अर्पिताला चांगलाच धक्का बसला होता. त्यानंतर गुरुवार (दि.१) रोजी काका सुनील टारे यांचे निधन झाले. हे कळल्यानंतर आर्पिता हिचा रक्तदाब अचानक वाढला. तिला भारती हॉस्पिटलमध्ये उपचारासाठी दाखल करण्यात आले होते. उपचार सुरू असताना शनिवारी (दि.३) रोजी अर्पिताचे निधन झाले. अर्पिताच्या पश्चात आई, वडील, भाऊ असा परिवार आहे.