शिवाजी विद्यापीठाचा मंगळवारी ऑनलाईन दीक्षांत सोहळा

कोल्हापूर : कोनारोच्या पार्श्वभूमीवर खबरदारी म्हणून शिवाजी विद्यापीठाचा यंदाचा ५७ वा दीक्षांत सोहळा ऑनलाईन होणार आहे. मंगळवारी (दि. ६) सकाळी ११ वाजता शाहू सिनेट सभागृहातून शिववार्ता यु ट्यूब चॅनेलवरुन थेट प्रसारण होणार आहे. राज्यपाल भगतसिंह कोश्यारी यांच्या अध्यक्षतेखाली होणाऱ्या या सोहळ्याचे प्रमुख पाहुणे म्हणून अखिल भारती तंत्रशिक्षण परिषदेचे अध्यक्ष डॉ. अनिल सहस्त्रबुध्दे मार्गदर्शन करणार आहेत. उच्च व तंत्रशिक्षण मंंत्री उदय सामंत हे देखील ऑनलाईनच सहभाग घेणार आहेत.

शिवाजी विद्यापीठाचे कुलगुरु डॉ. डी. टी.शिर्के यांनी शनिवारी ऑनलाईन पत्रकार बैठकीत ही माहीती दिली. यावेळी पदार्थ विज्ञान विभागातील दुसऱ्या वर्षाचा विद्यार्थी सौरभ पाटील याची राष्ट्रपती सुवर्णपदकासाठी, तर सातारा येथील छत्रपती शिवाजी विद्यालयाची विद्यार्थिनी महेश्वरी गोळे हिची कुलपती पदकासाठी निवड घोषित करण्यात आली.

यावेळी प्र- कुलगुरू डॉ. पी. एस. पाटील, कुलसचिव डॉ. विलास नांदवडेकर, मूल्यमापन मंडळाचे प्रभारी संचालक गजानन पळसे, वित्त व लेखाधिकारी व्ही. टी. पाटील उपस्थित होते.

बॉक्स ०१

७७ हजार ५४२ जण घेणार पदवी प्रमाणपत्र

बाॅक्स ०२

प्रत्यक्ष उपस्थित राहू पदवी घेणारे : १९८४

महाविद्यालयातून पदवी घेणारे : ४५ हजार ३०७

पोस्टाद्वारे पदवी प्रमाणपत्र घेणारे : ३० हजार २५१

बॉक्स ०३

शाखानिहाय पदवीधर

विज्ञान व तंत्रज्ञान शाखा : ३५ हजार ५९७

वाणिज्य व व्यवस्थापन शाखा : २१ हजार ९२७

मानव्यविद्या शाखा : १७ हजार ८८३

बॉक्स ०४

राष्ट्रपती सुवर्ण पदकाचा मानकरी ठरलेला सौरभ संजय पाटील हा कौलगे (ता. कागल) येथील आहे. तो शिवाजी विद्यापीठात एमएस्सीच्या दुसऱ्या वर्षाचा विद्यार्थी आहे. मागील वर्षातील क्रीडा, बौध्दिक, कला क्षेत्रासह एनसीसी, एनएसएस तसेच व्यक्तिमत्त्व, शारीरिक आरोग्य, भाषा शुध्दता, सर्वसाधारण वर्तवणूक व नेतृत्वगुण याच्या जोरावर राज्यपालांकडून दिल्या जाणाऱ्या या पदकासाठी निवड झाली आहे. (फोटो: ०३०४२०२१-कोल-सौरभ पाटील विद्यापीठ)