शिवाजी विद्यापीठ महिला संघ तलवारबाजी स्पर्धेसाठी पंजाबला रवाना

पतियाळा (पंजाब) येथे दि. २२ ते २४ मार्चदरम्यान होणाऱ्या अखिल भारतीय विद्यापीठ महिला फेन्सिंग (तलवारबाजी) स्पर्धेसाठी शिवाजी विद्यापीठाचा महिला संघ बुधवारी रवाना झाला.

ठळक मुद्दे पतियाळा (पंजाब) येथे दि. २२ ते २४ मार्चदरम्यान महिला फेन्सिंग (तलवारबाजी) शिवाजी विद्यापीठाचा महिला संघ बुधवारी रवाना

कोल्हापूर : पतियाळा (पंजाब) येथे दि. २२ ते २४ मार्चदरम्यान होणाऱ्या अखिल भारतीय विद्यापीठ महिला फेन्सिंग (तलवारबाजी) स्पर्धेसाठी शिवाजी विद्यापीठाचा महिला संघ बुधवारी रवाना झाला.

या संघात श्रीया रवी जाधव (राजमती पाटील कन्या महाविद्यालय, सांगली), यशश्री भालचंद्र पवार (पतंगराव कदम महाविद्यालय, सांगलीवाडी), अमरजा नितीन जोशी (कस्तुरभाई वालचंद कॉलेज, सांगली), ज्योती अरुण सुतार (न्यू कॉलेज, कोल्हापूर), स्नेहलता संजय कर्जने (किसन वीर महाविद्यालय, वाई, सातारा), रेश्मा कृष्णात तेजम, अंकिता शिवाजी पाटील (दोघेही शिवराज कॉलेज, गडहिंग्लज) यांचा समावेश आहे.

या खेळाडूंना कुलगुरू डॉ. देवानंद शिंदे, प्र. कुलगुरू डॉ. डी. टी. शिर्के, क्रीडा विभाग प्रमुख डॉ. पी. टी. गायकवाड, प्रशिक्षक राहुल मगदूम, संघव्यवस्थापक डॉ. धनंजय पाटील, ग्रॅबीयल रॉड्रीक्स, शशी दाभाडे यांचे प्रोत्साहन व मार्गदर्शन लाभले.