कोल्हापूर : कलामहर्षी बाबूराव पेंटर यांनी १९१८ साली त्यांनी बनवलेल्या कॅमेऱ्यावर चित्रित केलेली दुर्मीळ चित्रफीत महाराष्ट्र चित्रपट संग्रहालयाचे संचालक प्रकाश मगदूम यांच्याकडे पंत अमात्य बालविकास ट्रस्टचे उपाध्यक्ष नीलराजे बावडेकर यांनी सुपूर्द केली. यावेळी फिल्म सोसायटीचे सचिव दिलीप बापट उपस्थित होते.
पेंटर यांना जेव्हा ब्रिटिश कंपनीने कॅमेरा देण्याचे नाकारले तेव्हा त्यांनी १९१८ साली स्वत:चा कॅमेरा बनवला. चाचणीसाठी त्यांनी अनेक ठिकाणी चित्रीकरण केले. त्यापैकी काही चित्रीकरण त्यांनी गगनबावडा जहागिरीत केले. या चित्रीकरणात गगनबावड्याचे तत्कालीन जहागीरदार माधवराव अमात्य बावडेकर यांच्या सुवर्णमहोत्सवाच्या कार्यक्रमाचे चित्रीकरण करण्यात आले. यावेळी युवराज परशुराम अमात्य बावडेकर हेदेखील उपस्थित होते. १९३३ सालीही त्यांनी पुन्हा एकदा गगनबावडा येथील राजवाड्यातील रामनवमी आणि परशुराम अमात्य बावडेकर यांची दिनचर्या, पळसंबे येथील वाड्याचे बांधकाम याचे चित्रीकरण केले होते.
२००२२०२१ कोल बाबूराव पेंटर
बाबूराव पेंटर यांनी चित्रित केलेली दुर्मीळ चित्रफीत नीलराजे बावडेकर यांनी प्रकाश मगदूम यांच्याकडे सुपूर्द केली. यावेळी दिलीप बापट उपस्थित होते.