कोल्हापूर : कोल्हापूर विभागीय उच्च शिक्षण सहसंचालक यांनी टीईटी पेपरफुटी प्रकरणातील प्राध्यापकांवर कारवाईसंदर्भात संबंधित संस्थांना पत्रव्यवहार केला. याची दखल घेत सोळांकुर (ता. करवीर) येथील महाविद्यालयातील प्रभारी प्राचार्य गुरुनाथ चौगुले व बिद्री येथील सीएचबीधारक प्राध्यापकावर संबंधित संस्थांनी तत्काळ निलंबनाची कारवाई केली. कारवाई केल्याचे पत्र संबंधित संस्थेने विभागीय सहसंचालकांना पाठविले. सोनगे येथे काही दिवसांपूर्वी टीईटीचा पेपर फोडण्याचा प्रकार उघडकीस आला. त्यामधील सुमारे १८ जणांना पोलिसांनी ताब्यात घेतले आहे. टीईटी पेपर फोडल्या प्रकरणातील रॅकेटची व्याप्ती दिवसेंदिवस वाढत असून, त्याचे परराज्यात कनेक्शन समोर आले आहे.
वाचा : सात आरोपी अद्याप फरार, २६ जणांवर गुन्हा नोंद
याची शिक्षण विभागाने तत्काळ दखल घेत कारवाई सुरू केली. त्या पार्श्वभूमीवर सोळांकुर येथील प्राचार्याला संबंधित संस्थेने तत्काळ निलंबित केले आहे. त्याबाबतचे पत्र शिवाजी विद्यापीठ, विभागीय उच्च शिक्षण संस्था संचालक कार्यालयास पाठविले आहे.प्राध्यापकाच्या निलंबनाची परवानगी मागितलीटीईटी पेपरफोडीत सहभाग असलेल्या बिद्री येथील एका महाविद्यालयातील सीएचबीधारक प्राध्यापकाला गुरुवारी निलंबित करण्यात आले. दरम्यान, याच महाविद्यालयातील उच्च माध्यमिकमध्ये कार्यरत प्राध्यापकावरही निलंबनाची कारवाई करण्याची परवानगी संबंधित संस्थेने शिक्षण उपसंचालकांकडे मागितली आहे.
Web Summary : Following the Kolhapur TET paper leak, a principal and professor were suspended after an investigation. Authorities acted swiftly after the scam's expansion and interstate links emerged. Further suspensions are pending as the education department continues its crackdown on involved individuals.
Web Summary : कोल्हापुर टीईटी पेपर लीक मामले में जांच के बाद एक प्राचार्य और प्रोफेसर को निलंबित कर दिया गया। घोटाले के विस्तार और अंतरराज्यीय संबंधों के सामने आने के बाद अधिकारियों ने तेजी से कार्रवाई की। शिक्षा विभाग की कार्रवाई जारी है, और आगे निलंबन लंबित हैं।