Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

लोकमत न्यूज नेटवर्क -उदगाव : ग्रामीण भागात शुद्ध पाणी नसल्याने सध्या अनेक गावांत दूषित पाणी नागरिकांना प्यावे लागत आहे. अशा परिस्थितीत जयसिंगपूर शहराला भुयारी गटार योजना मंजूर झाली आहे. मात्र, भुयारी गटार योजनेचे सांडपाणी कृष्णा नदीपात्रात सोडू देणार नाही, यासाठी कृष्णाकाठावरील सर्व गावांनी ग्रामसभेत भुयारी गटार योजनेच्या विरोधात ठराव केला आहे. तो जिल्हा परिषद, जिल्हाधिकारी, तहसीलदार यांना निवेदनद्वारे देणार आहे.उदगाव येथे जिल्हा परिषद मतदार संघातील प्रभाग सभा उदगाव ग्रामपंचायत कार्यालयात झाली. अध्यक्षस्थानी जि. प.च्या सदस्या स्वाती सासने होत्या. यावेळी कृष्णाकाठावरील उदगाव, चिंचवाड, अर्जुनवाड, कनवाड, कुटवाड, घालवाड, हसूर या गावांतील सरपंच व पदाधिकाऱ्यांनी जयसिंगपूर भुयारी गटार योजनेला विरोध दर्शविला.उदगावच्या सरपंच स्वाती पाटील म्हणाल्या, उदगावचा पाण्याचा प्रश्न गंभीर बनत आहे. जयसिंगपूर भुयारी गटार योजनेला विरोध असून, ओढा स्वच्छ करावा. घालवाडच्या सरपंच प्रतीक्षा परीट यांनी मराठी शाळेला शिक्षक देण्याची मागणी केली, तर कुटवाडच्या सरपंच सुकन्या पाटील यांनी स्वच्छ पाणी, स्मशानभूमी, वीज, औषधे यांची मागणी केली.उपसभापती कविता चौगुले, पं. स.चे सदस्य मन्सूर मुल्लाणी यांनी मनोगत व्यक्त केले. ग्रामविकास अधिकारी भाग्यश्री केदार यांनी स्वागत, विस्तार अधिकारी अनिल ओमासे यांनी प्रास्ताविक केले. शाखा अभियंता एस. एस. देशमुख, बी. आर. चव्हाण, अनंत माने, फारुख नालबंद, पंकज मगदूम, शिवाजी कोळी, गटविकास अधिकारी काळगे, सविता ठोमके, प्रमोद चौगुले, सुनील चौगुले, अनिल सुतार, प्रकाश बंडगर, सुरेखा गडदू, प्रज्ञा मगदूम, लता वरेकर, पूजा कोळी, माधुरी आंबी उपस्थित होते.योजना आताच बंद पाडूयाजयसिंगपूर शहराने ग्रामीण व कृष्णाकाठावरील जनतेचा विचार न करता फक्त राजकारणाचा वापर करून योजनेला मंजुरी आणली आहे. कृष्णा नदीतील पाणी पिणाऱ्या जनतेला दूषित पाणी प्यावे लागणार आहे. त्यामुळे ही योजना आताच बंद पाडूया, अशी भूमिका कुटवाडचे नवजित पाटील यांनी मांडली.

Kolhapur (Marathi News)

कोल्हापूरच्या जिल्हाधिकाऱ्यांनी श्रीपूजकांना फटकारले ...

कला, क्रीडा शिक्षकांच्या राज्यव्यापी आंदोलनास प्रारंभ ...

राष्ट्रवादीचे खासदार उदयराजे भोसलेंच्या अडचणीत वाढ होण्याची शक्यता आहे. ...

दूधगंगा प्रकल्प गैरव्यवहार : दहा वर्षांत प्रशासन राहिले ढिम्म ...

महापालिका सभा : अजेंड्यावर विषय ...

जि. प. शाळा अडचणीत : शिक्षकांची मुले खासगी शाळेत ...

बेळगाव प्रादेशिक आयुक्त कार्यालयावर फडकणाऱ्या लाल पिवळ्या ध्वज हटवण्या हटविण्याची मागणी करण्यात आली होती ...

एक शिक्षक वर्ग चालवणार कसे हा प्रश्न असून विद्यार्थ्यांच्या शैक्षणिक नुकसानीस जबाबदार कोण? ...

उदगावला सभेत निर्णय : उदगाव, चिंचवाड, अर्जुनवाडसह नऊ गावे एकत्र ...