Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

गडहिंग्लजला अंगणवाडी कर्मचाऱ्यांचे धरणे* पेन्शनची मागणी : मुख्यमंत्र्यांना निवेदनाद्वारे घातले साकडेगडहिंग्लज : पेन्शनच्या मागणीसाठी गडहिंग्लज तालुक्यातील अंगणवाडी कर्मचाऱ्यांनी येथील प्रांत कचेरीसमोर शुक्रवारी धरणे आंदोलन केले. यावेळी पेन्शनसाठी मुख्यमंत्र्यांना निवेदनाद्वारे साकडे घालण्यात आले.माजी आमदार अॅड. श्रीपतराव शिंदे म्हणाले, नव्या पिढ्यांच्या जडणघडणीसाठी तुटपुंज्या मानधनावर आयुष्यभर राबणाऱ्या अंगणवाडी कर्मचाऱ्यांना शासनाने पेन्शनच्या माध्यमातून वृद्धापकाळासाठी आधार द्यावा.राज्य संघटक बाळेश नाईक म्हणाले, १० वर्षांच्या लढाईनंतर अंगणवाडी कर्मचाऱ्यांना सेवासमाप्तीचा लाभ मिळाला. परंतु, ही रक्कम म्हातारपणासाठी पुरेशी नाही. त्यामुळे अन्य शासकीय कर्मचाऱ्यांप्रमाणे महिन्याला पेन्शन मिळावी.आंदोलनात जिल्हाध्यक्षा अंजना शारबिद्रे, राजश्री बाबाण्णावर, सुरेखा गायकवाड, भारती कुंभार, मंजुळा कोरवी, मालू केसरकर, सोना पाटील, सुवर्णा राऊत, माधवी देसाई, रेणुका शिरगावे, दीपाली पाटील, ममताज कदीम आदींसह अंगणवाडी सेविका व मदतनीस सहभागी झाल्या होत्या.निवेदनातील मागण्या अशा :* सेवानिवृत्त किंवा मृत अंगणवाडी कर्मचाऱ्यांना सेवासमाप्तीचा लाभ त्वरित मिळावा.* शेवटच्या मानधनाच्या निम्मी रक्कम मासिक पेन्शन स्वरूपात तहहयात मिळावी, भविष्यात मानधन वाढ झाल्यास पेन्शनमध्येही वाढ व्हावी.* ६० वर्षे पूर्ण झालेल्या कर्मचाऱ्यांना उपजिल्हा रुग्णालयातून शारीरिक तंदुरुस्ती प्रमाणपत्र मिळावे.----------------------------------* फोटो ओळी :गडहिंग्लज प्रांत कचेरीचे नायब तहसीलदार जीवन क्षीरसागर यांना श्रीपतराव शिंदे यांनी निवेदन दिले. यावेळी बाळेश नाईक, अंजना शारबिद्रे, राजश्री बाबाण्णावर आदींसह अंगणवाडी सेविका व मदतनीस उपस्थित होत्या.क्रमांक : ०८०१२०२१-गड-०५

Kolhapur (Marathi News)

कोल्हापूर : केवळ भूलतज्ज्ञ नाही म्हणून गेले काही महिने हृदय शस्त्रक्रिया थांबल्या ... ...

मागणीपेक्षा उत्पादन कमी होण्याचा अंदाज : साखर उद्योगाला येणार ‘अच्छे दिन’ ...