Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

इचलकरंजी : शहर परिसरातील कोरोनाचा वाढता प्रादुर्भाव रोखण्यासाठी शासन निर्देशांचे काटेकोरपणे पालन करण्यासह सर्वांनी लस घेेणेही गरजेचे आहे. त्यासाठी शहरात आणखीन ८ नवीन लसीकरण केंद्र सुरू करण्यात येणार असल्याची माहिती आमदार प्रकाश आवाडे यांनी दिली. या सर्व केंद्रात शासनाकडून मोफत लस दिली जाणार असून ४५ वर्षावरील सर्वांनीच लस घ्यावी, असे आवाहनही त्यांनी यावेळी केले.शहर परिसरात कोरोनाबाधितांच्या संख्येत वाढ होत आहे. या पार्श्वभूमीवर आमदार आवाडे यांनी आयजीएम रुग्णालयात आढावा बैठक घेतली. यावेळी त्यांनी वैद्यकीय अधीक्षक डॉ. आर.आर. शेट्ये, डॉ. महेश महाडिक, डॉ. श्रीकांत सूर्यवंशी यांच्याकडून रुग्णालयात सध्या उपचार घेणारे रुग्ण, त्यांच्यासाठी आवश्यक सुविधा, औषधोपचार या संदर्भात माहिती जाणून घेतली.त्यानंतर आमदार आवाडे यांनी रुग्णालयात उपचारा घेणाऱ्या ४५ कोरोनाबाधितांपैकी ज्यांना गृहअलगीकरण व्हायचे असेल त्यांनी डॉक्टरांच्या सल्ल्याने गृहअलगीकरण व्हावे. पण या कालावधीत त्यांनी स्वत:सह इतरांचीही काळजी घेऊन घराबाहेर पडू नये. अन्यथा ही सुविधा बंद करून सर्वांनाच अलगीकरण केंद्रात रहावे लागेल. कोरोनाचा प्रादुर्भाव रोखण्यासाठीची लस आयजीएम रुग्णालयासह ६ प्राथमिक आरोग्य केंद्रात मोफत उपलब्ध आहे. या ठिकाणी गर्दी होऊ नये म्हणून आणखीन ८ नवीन लसीकरण केंद्र सुरू करण्यात येणार आहेत. या संदर्भात जिल्हाधिकारी, जिल्हा परिषदेचे मुख्य कार्यकारी अधिकारी, प्रांताधिकारी, आयजीएमचे प्रमुख, नगराध्यक्षा आणि संबंधितांशी चर्चा झाली असून ४ एप्रिलपासून ही नवीन लसीकरण केंद्रे सुरू होतील. यावेळी संजय केंगार, पाणीपुरवठा सभापती दीपक सुर्वे, प्रकाश मोरे, विलास गाताडे, नगरसेवक राजू बोंद्रे आदी उपस्थित होते.

Kolhapur (Marathi News)