Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

लोकमत न्यूज नेटवर्कसेनापती कापशी : जगातील अनेक देशांत लसीकरण वेगाने पूर्ण झाल्याने तेथील जनजीवन पूर्वपदावर आले आहे. पंतप्रधान नरेंद्र मोदी यांनी लसीकरणाचे व्यापक राष्ट्रीय धोरण तयार करण्याची गरज आहे. येत्या सहा महिन्यांच्या आत प्रत्येक नागरिकाला लस मिळेल, याचे नियोजन करा, असे प्रतिपादन ग्रामविकासमंत्री हसन मुश्रीफ यांनी केले.सेनापती कापशी (ता. कागल) येथे कोरोना आढावा बैठकीत मंत्री मुश्रीफ बोलत होते. यावेळी सेंट झेवियर स्कूलच्या २००६ च्या तुकडीचा माजी विद्यार्थी हर्षवर्धन जयवंतराव पाटील व त्यांच्या मित्रपरिवाराने वीस लाख रुपये खर्चून ऑक्सिजन कॉन्सन्ट्रेटर कोविड केअर केंद्रांना भेट दिल्याबद्दल मंत्री मुश्रीफ यांच्याहस्ते त्यांचा सत्कार झाला.कोरोनाचा हा विषाणू सातत्याने बदलणारा आणि धोक्याची तीव्रता वाढवणारा आहे. केंद्र सरकार पुढे येणार नाही, तोपर्यंत लसीकरणाचा प्रश्न सुटणारच नाही. याला आंतरराष्ट्रीय कंपन्या दाद देणारच नाहीत. राज्या-राज्याला जरी परवानगी दिली, तरी या कंपन्या राज्याबरोबर बोलायला तयारच नाहीत. यासाठी एक सुसूत्र धोरण करून सहा महिन्यांत १३० कोटी लोकांचे लसीकरण पूर्ण कसे होईल, याची दक्षताही केंद्र सरकारने घेण्याची आवश्यकता आहे.लोक पैसे द्यायला तयार आहेत. अनेक कारखानदार मला भेटले. ते आपल्या पैशाने आपल्या कामगारांचे लसीकरण करण्यास तयार आहेत. आपण सरकारी रुग्णालयात येणाऱ्या गरीब लोकांना मोफत आणि बाहेर लस घेणाऱ्याला पैसे घेऊन दिली, तर मला वाटते, सरकारचा पैसा वाचेल आणि लवकरात लवकर लसीकरण पूर्ण होईल.बैठकीला प्रांताधिकारी प्रसेन्नजित प्रधान, तहसीलदार श्रीमती शिल्पा ठोकडे, गटविकास अधिकारी सुशील संसारे, कागल ग्रामीण रुग्णालयाच्या वैद्यकीय अधिकारी डॉ. सुनिता पाटील, कागलचे मुख्याधिकारी पंडित पाटील, मुरगूडचे मुख्याधिकारी हेमंत निकम, सरपंच सौ. श्रद्धा कोळी, केडीसीसी बँकेचे संचालक प्रताप ऊर्फ भैय्या माने, जि. प सदस्य सौ. शिल्पाताई खोत, पंचायत समितीचे माजी सभापती दत्तोपंत वालावलकर, शशिकांत खोत, प्रवीण काळबर, प्रदीप चव्हाण आदी प्रमुख उपस्थित होते. स्वागत सुनील चौगुले यांनी केलेफोटोसेनापती कापशी (ता. कागल) येथे कागल तालुकास्तरीय आढावा बैठकीत येथे झालेल्या नवीन कोविड केअर सेंटरला ऑक्सिजन कॉन्सन्ट्रेटर मशीन प्रदान करताना ग्रामविकास मंत्री हसन मुश्रीफ. यावेळी प्रांताधिकारी प्रसेनजित प्रधान, तहसीलदार शिल्पा ठोकडे, सौ. शिल्पाताई खोत व इतर प्रमुख उपस्थित होते.फोटो - संदीप तारळे

Kolhapur (Marathi News)

यड्राव (ता. शिरोळ) येथे पश्चिम महाराष्ट्र मराठा समाज जनजागृती संपर्क दौऱ्याच्या प्रारंभावेळी ते बोलत होते. ... ...