कोल्हापूर : हरिश्चंद्रगडावरील कोकणकडा (सुमारे १८०० फूट खोल) रॅपलिंग करत कोल्हापूरच्या लेकीने कोल्हापूरचा साहसीबाणा जपला आहे. नुपूर अक्षय मठकर, असे या धाडसी लेकीचे नाव. विशेष म्हणजे नुपूर यांनी नऊवारी साडी परिधान करून ही रॅपलिंग केली आहे.नुपूर यांनी वयाच्या अवघ्या १४ व्या वर्षी छत्रपती शिवाजी महाराजांच्या प्रेरणेने किल्ले भटकंतीला सुरुवात केली. स्वराज्याच्या इतिहासाशी नाळ जोडत त्यांनी आजपर्यंत अनेक किल्ल्यांची यशस्वी मोहीम पूर्ण केली आहे.त्यांनी भैरवगड, वजीर सुळका, नागफणी, अलंग-मदन-कुलंग, साल्हेर, गोरखगड, कोकणकडा, वासोटा यांवरही यशस्वी चढाई केली आहे. इतकेच नव्हे तर त्यांनी पन्हाळगड ते पावनखिंड हा सुमारे ५३ किमीचा ऐतिहासिक पदभ्रमण मार्ग पाच वेळा पूर्ण केला आहे.कोल्हापुरातील संभाजीनगरात राहणाऱ्या नुपूर अनिल चोडणकर या लग्नानंतर नुपूर अक्षय मठकर झाल्या. सध्या त्या सावंतवाडी येथे स्थायिक झाल्या असून, कोकण आणि गोवा परिसरात छत्रपती शिवाजी महाराजांच्या इतिहासाचा शोध घेण्याचे ध्येय त्यांनी बाळगले आहे.
Web Summary : Kolhapur's Nupur Mathkar showcased bravery rappelling down Harishchandragad's Kokankada in a Nauvari saree. Inspired by Shivaji Maharaj, she's conquered numerous forts and trekked the Panhalgad-Pawankhind route five times. Now residing in Sawantwadi, she researches Shivaji's history in the Konkan-Goa region.
Web Summary : कोल्हापुर की नुपुर मठकर ने नौवारी साड़ी पहनकर हरिश्चंद्रगढ़ के कोंकणकड़ा से रॅपलिंग कर साहस का प्रदर्शन किया। शिवाजी महाराज से प्रेरित होकर, उन्होंने कई किले जीते और पन्हालागढ़-पावनखिंड मार्ग पांच बार पूरा किया। अब सावंतवाड़ी में रहकर, वह कोंकण-गोवा क्षेत्र में शिवाजी के इतिहास पर शोध कर रही हैं।