राजारामपुरीत सराईत मोबाइल चोरट्यास अटक

कोल्हापूर : ग्रामीण भागात तसेच शहराच्या उपनगरात निर्मनुष्य रस्त्यावर महिलांचे मोबाइल अथवा पर्स हिसडा मारून लांबणाऱ्या चोरट्यास राजारामपुरी पोलिसांनी अटक केली. सुमित महादेव निकम (वय २५, रा. गजबरवाडी, ता. निपाणी, जि. बेळगाव, रा. कर्नाटक) असे चोरट्याचे नाव आहे. त्याच्याकडून चोरीचे १४ मोबाइल हॅडसेट व दुचाकी जप्त केली. कोल्हापूर शहरासह हुपरी, कणेरीवाडी, कागल गडहिंग्लज, मुरगुड, चिकोडी, निपाणी, संकेश्वर येथे दुचाकीवरून जाऊन महिलांचे मोबाइल चोरल्याचे उघडकीस आले, अशी माहिती राजारामपुरी पोलीस ठाण्याचे निरीक्षक सीताराम डुबल यांनी पत्रकार परिषदेत दिली.

मोबाइल व दुचाकी चोरीच्या घटनांत वाढ होताना पोलीस अधीक्षक शैलेश बलकवडे यांच्या सूचनेनुसार राजारामपुरी पोलीस ठाण्याचे निरीक्षक सीताराम डुबल यांनी पथके तयार केली. शुक्रवारी दुपारी राजारामपुरीत दुचाकीवरून पेट्रोलिंग करताना चौदाव्या गल्लीत दीपा गॅस एजन्सीनजीक पोलीस देवानंद बल्लारी यांना विनानंबर प्लेट दुचाकीवर हेल्मेट घातलेला संशयित तरुण दिसला. पळून जाण्याच्या प्रयत्नात असतानाच त्याला पकडले. अंगझडतीमध्ये त्याच्या पिशवीत सात मोबाइल सापडले. खाक्या दाखवताच त्याने महिलांचे मोबाइल व पर्स हिसडा मारून चोरल्याचे निष्पन्न झाले. त्यावरून त्याला अटक केली. त्याने, कोल्हापूर शहरात दोन, हुपरी, कणेरीवाडी, कागल गडहिंग्लज, मुरगूड, चिकोडी, निपाणी, संकेश्वर आदी ठिकाणी दुचाकीवरून जाऊन मोबाइल चोरल्याची कबुली दिली. त्याच्याकडून दोन लाख ३६ हजार २०० रुपये किमतीचे चोरीचे १४ मोबाइल हँडसेट जप्त केले. न्यायालयाने त्याला दि. ५ एप्रिलपर्यंत पोलीस कोठडी सुनावली.

ही कारवाई पोलीस उपनिरीक्षक अनिल शिरोळे, गुन्हे शोध पथकातील समीर शेख, सचिन देसाई, महेश पवार, सुरेश काळे, विशाल शिरगावकर, देवानंद बल्लारी, भूषण ठाणेकर, सत्यजित सावंत यांनी केली.

दोन महिन्यांपूर्वीच विवाह

सुमित याचे १२ वीपर्यंत शिक्षण झाले. त्याचे आई-वडील शेतकरी आहेत. कोरोनामुळे त्याची एमआयडीसीतील नोकरी गेली; पण त्याने त्याची वाच्यता केली नाही. दि. २ फेब्रुवारी २०२१ रोजी त्याचा सुशिक्षित मुलीशी विवाह झाला. त्यानंतरही तो रोज घरातून जेवणाचा डबा घेऊन नोकरीसाठी घराबाहेर पडून चोऱ्या करत होता. चोरलेले मोबाइल तो ग्रामीण भागात निम्म्या किमतीत विकत होता. लग्नापूर्वी त्याने चारचाकी वाहन घेण्यासाठी काहींच्या कडून पैसे उचलेले होते, त्यांचा वसुलीसाठी तगादा लागल्याने त्याने हे मोबाइल चोरीचे कृत्य केले.

पोलिसांनाही चकवा...

चोरलेला मोबाइल तो जेवणाच्या डब्यात लपवत होता. त्यामुळे पोलिसांनी आडवले, तरीही जेवणाचा डबा न उघडल्यामुळे त्याची चोरी कधीही उघडकीस आली नाही. राजारामपुरीत त्याने महिलेचा मोबाइल चोरल्याची कबुली दिली. त्यावेळी त्याचे चित्रण सीसीटीव्ही कॅमेऱ्यात कैद झाले होते. त्यामुळे त्याला पोलिसांनी शोधून काढले.

फोटो नं. ०३०४२०२१-कोल-सुमित निकम(आरोपी मोबाइल चोर)

फोटो नं. ०३०४२०२१-कोल-मोबाइल चोरी०१

ओळ : कोल्हापुरात राजारामपुरी पोलिसांनी मोबाइल चोरट्यास अटक करून त्याच्याकडून चोरीचे मोबाइल जप्त केले. (फोटो : आदित्य वेल्हाळ)

===Photopath===

030421\03kol_1_03042021_5.jpg~030421\03kol_2_03042021_5.jpg

===Caption===

फोटो नं. ०३०४२०२१-कोल-सुमित निकम(आरोपी मोबाईल चोर)फोटो नं. ०३०४२०२१-कोल-मोबाईल चोरी०१ओळ : कोल्हापूरात राजारामपूरी पोलिसांनी मोबाईल चोरट्यास अटक करुन त्याच्याचकडून चोरीचे मोबाईल जप्त केले.  (फोटो आदीत्य वेल्हाळ)~फोटो नं. ०३०४२०२१-कोल-सुमित निकम(आरोपी मोबाईल चोर)फोटो नं. ०३०४२०२१-कोल-मोबाईल चोरी०१ओळ : कोल्हापूरात राजारामपूरी पोलिसांनी मोबाईल चोरट्यास अटक करुन त्याच्याचकडून चोरीचे मोबाईल जप्त केले.  (फोटो आदीत्य वेल्हाळ)