कोल्हापूर : राज्यातील विधानसभा निवडणुकीसाठी काँग्रेसने बुधवारी स्टार प्रचारकांची यादी जाहीर केली. यात काँग्रेसचे विधान परिषदेतील गटनेते आमदार सतेज पाटील यांचीही स्टार प्रचारक म्हणून निवड केली. काँग्रेसचे अध्यक्ष मल्लिकार्जुन खरगे, नेत्या सोनिया गांधी, राहुल गांधी, प्रियंका गांधी यांच्या यादीत सतेज पाटील यांनाही स्थान देत मोठी जबाबदारी सोपविण्यात आली. या निवडणुकीत राज्यभरात काँग्रेस उमेदवारांच्या प्रचारासाठी ४० स्टार प्रचारकांची यादी पक्षाचे महासचिव खासदार कुमार सेल्जा यांनी सोमवारी निवडणूक आयोगाला सादर केली. या यादीत प्रदेशाध्यक्ष नाना पटोले, विधिमंडळ गटनेते बाळासाहेब थोरात, विधानसभेतील विरोधी पक्षनेते विजय वडेट्टीवार, माजी मुख्यमंत्री पृथ्वीराज चव्हाण, आमदार सतेज पाटील हे स्टार प्रचारक असतील. अमित देशमुख, प्रणिती शिंदे, विश्वजित कदम या तरुण नेत्यांवरही प्रचाराची जबाबदारी आहे.
काँग्रेसच्या स्टार प्रचारकांच्या यादीत सतेज पाटील, पृथ्वीराज चव्हाण, विश्वजित कदम यांचा समावेश
By ऑनलाइन लोकमत | Updated: October 31, 2024 12:46 IST