कागल तालुक्यात सुमारे पंधराशे लोकांची तपासणी

या सर्वेक्षण मधून सापडलेल्या संशयित लोकांची एक्स-रे, व सी.बी.ने.ट, तपासणी प्रत्यक्ष गावामध्ये मोबाईल व्हॅनमध्ये मोफत करण्यात आली. या सर्वेक्षणात सर्व सहभागी व्यक्तींचे हिमोग्लोबिन, शुगर, हायपरटेन्शनची ही मोफत तपासणी करण्यात आली. सर्व्हेसाठी लागणारे साहित्य जिल्हा क्षयरोग केंद्रामार्फत पुरवण्यात आले. हे सर्वेक्षण जिल्हा क्षयरोग अधिकारी डॉ. यु. जी. कुंभार यांच्या मार्गदर्शनाने पार पडले.

सर्व्हे पथक प्रमुख डॉ. ऋषिकेश आंदळकर यांच्या मार्गदर्शनाखाली १७ कर्मचाऱ्यांच्या पथकाने ८ दिवस केनवडे व ८ दिवस हळदवडे येथे सर्व्हे केला. केनवडेमध्ये ७१९ जणांची एक्स-रे तर ९७ जणांचे सी.बी.ने.ट तपासणी करण्यात आली, यामध्ये १ क्षय रुग्णाचे निदान झाले. निदान झालेल्या क्षयरुग्णांस मोफत औषध उपचार सुरु करण्यात आला. तर हळदवडे येथे ७१६ जणांचे एक्स-रे व १०९ जणांची सी.बी.ने.ट, तपासणी करण्यात आली.

हळदवडे गावच्या सर्वेक्षणासाठी डॉ. सचिन सावंत (एम. ओ.) सरपंच उत्तम सुतार, उपसरपंच सरिता अस्वले सर्व ग्रा.पं. सदस्य व आरोग्य कर्मचारी,आशा यांचे सहकार्य लाभले. तर केनवडे गावच्या सर्वेक्षणासाठी डॉ. सुरेश कोरवी (एम.ओ.),सरपंच अनुराधा शिंदे, व उपसरपंच तुकाराम मगदूम, सर्व ग्रा.पं.सदस्य व आरोग्य कर्मचारी,आशा यांचे सहकार्य लाभले. तसेच तालुका आरोग्य अधिकारी डॉ. अभिजित शिंदे यांचेही सहकार्य लाभले. या सर्वेक्षणाचा सांगता समारंभ हळदवडे येथे पार पडला. यावेळी सर्वेक्षण यशस्वी केल्याबद्दल पथक प्रमुख डॉ. ऋषिकेश आंदळकर व सर्व पथकाचा सत्कार जिल्हा क्षयरोग अधिकारी डॉ. यु. जी. कुंभार व हळदवडे गावचे सरपंच उत्तम सुतार व सदस्या भारती फराकटे यांच्या हस्ते करण्यात आला.

फोटो ओळ :-

कागल तालुक्यातील हळदवडे येथे मार्गदर्शन करताना वैद्यकीय पथक प्रमुख डॉ. ऋषिकेश आंदळकर, जिल्हा क्षयरोग अधिकारी डॉ. यु. जी. कुंभार,डॉ. रुपाली भाट, बाजीराव चौगले, सुनीता नरदगे, आदी