कोल्हापूर : येथील कोल्हापूर जिल्हा प्राथमिक शिक्षक समन्वय समितीच्या अध्यक्षपदी कास्ट्राईब शिक्षक संघटनेचे जिल्हाध्यक्ष गौतम वर्धन, तर राष्ट्रीय ओबीसी कर्मचारी, अधिकारी महासंघाचे जिल्हाध्यक्ष सरचिटणीसपदी सर्जेराव सुतार यांची निवड झाली आहे. या समितीच्या पदाधिकाऱ्यांची निवड प्राथमिक शिक्षक बँकेच्या सभागृहात झाली.
पती-पत्नी सेवा संघाचे सरचिटणीस प्रभाकर कमळकर यांची समन्वय समितीच्या सहसचिवपदी, समिती नेतेपदी मोहन भोसले, मार्गदर्शकपदी शिक्षक संघ राज्य अध्यक्ष राजाराम वरुटे, पुरोगामी शिक्षक संघटनेचे राज्य अध्यक्ष प्रसाद पाटील यांची फेरनिवड करण्यात आली. शिक्षक संघ थोरात गटाचे रघुनाथ खोत, शिक्षक समितीचे कृष्णात कारंडे यांची नूतन मार्गदर्शकपदी एकमताने निवड करण्यात आली.
यावेळी सर्व संघटनांचे पदाधिकारी, शिक्षक बँकेचे अध्यक्ष प्रशांत पोतदार, संचालक आदी उपस्थित होते.
फोटो (३१०१२०२१-कोल-गौतम वर्धन (प्राथमिक शिक्षक), सर्जेराव सुतार (प्राथमिक शिक्षक)