कागल मॅटवरील कुस्ती स्पर्धेच्या आज अंतिम लढती

शुक्रवारी बालगट, कुमार गट, सीनिअर व ज्युनिअर गट मिळून १०० कुस्त्या झाल्या.

कागल : येथील श्री छत्रपती शाहू सहकारी साखर कारखान्याच्यावतीने राजर्षी शाहू जयंतीनिमित्त सुरू असलेल्या ३१व्या मॅटवरील कुस्ती स्पर्धेच्या अंतिम लढती आज, शनिवारी सकाळी ९ वाजता होणार आहेत. त्यानंतर कारखान्याचे अध्यक्ष समरजितसिंह घाटगे यांच्या हस्ते बक्षीस वितरण होणार आहे. शुक्रवारी बालगट, कुमार गट, सीनिअर व ज्युनिअर गट मिळून १०० कुस्त्या झाल्या. विजयी होऊन पुढील फेरीसाठी पात्र झालेले पैलवान खालीलप्रमाणे : बालगट २४ किलो : वैभव जाधव (बानगे), प्रथमेश शिंदे (मुरगूड), बालगट २६ किलो : प्रणव मोरे (सुरुकली), सूरज बोगार्डे (बानगे), बालगट ३२ किलो : लौकिक माळी (मुरगूड), अमोल बोगार्डे (बानगे), बालगट ३८ किलो : अक्षय ढेरे (एकोंडी), प्रवीण लाड (पिंपळगाव बुद्रुक), कुमार गट ४२ किलो : सूरज शिंदे (बानगे), अक्षय मुळीक (शाहू साखर), कुमार गट ५६ किलो : प्रवीण डोंगळे (बानगे), स्वप्नील इंदुलकर (मुरगूड), कुमार गट ५२ किलो : विनायक गुरव (बानगे), गजानन सौदलकर (मुरगूड).