उन्हाची तीव्रता वाढली, पाय भाजू नयेत म्हणून कोल्हापुरातील अंबाबाई प्रदक्षिणा मार्गावर ‘कूल कोट’

कोल्हापूर : श्री अंबाबाईच्या दर्शनासाठी देशभरातून मोठ्या संख्येने भाविक कोल्हापुरात येत असतात. उन्हाची तीव्रता वाढल्यामुळे दर्शन रांगेत उभ्या असलेल्या भाविकांचे पाय भाजू नयेत, यासाठी मराठा एंटरप्रेन्युअर्स असोसिएशनने पुढाकार घेत प्रदक्षिणा मार्गावर ‘हिट प्रूफ कूल कोट’ करण्यात आला आहे.संस्थेने ५ लाख रुपये खर्च करून दर्शन रांग मार्गावरील जमिनीवर १२ ड्रम पांढऱ्या रंगाचे विशेष कोटिंग केले आहे. या उपक्रमाचा प्रारंभ मधुरिमाराजे छत्रपती यांच्या हस्ते झाला. यावेळी जयेश कदम, राजू लिंग्रज, नगरसेवक विजय जाधव, गिरीश पाटील, तेज घाटगे, प्रशांत मुचंडी, अजित जाधव, देवस्थानचे सचिव शिवराज नाईकवाडे, व्यवस्थापक महादेव दिंडे, डॉ. संदीप पाटील, डॉ. आर. एम. कुलकर्णी, विजय पाटील आदी उपस्थित होते.