गोळा केलेला कचरा वेगवेगळा करून लाल रंगाच्या पिशवीमध्ये सुई, काचेची बॉटल्स, पिवळ्या पिशवीत कापूस, पॅड, प्लॅस्टर व निळ्या, काळ्या पिशवीमध्ये इतर साहित्य भरून वेगळे करण्यात येते. येथील इन्सिनेटर अन्टीक्लेव्ह व प्रेडर या मशीनद्वारे जैविक कचऱ्याचे भस्मीकरण करण्यात येते. या प्रक्रियेमुळे विविध प्रकारच्या त्रासाने नागरिक त्रस्त आहेत. या प्रकल्पाच्या कर्मचाऱ्यांबरोबर ग्रामस्थांचे वादावादीचे प्रसंग वारंवार घडले आहेत. यामुळे ग्रामस्थ येथील घरे विकून दुसरीकडे जाण्याच्या मन:स्थितीत आहेत. (समाप्त)
चौकट - तुमचा संबंध नाही
या प्रकल्पातून आलेल्या गरम धुरामुळे उलट्या, मळमळ सुरू होते. याची तक्रार केली तर तुमचा काही संबंध नाही. हा प्रकल्प नगरपालिकेचा आहे, असे पालिका सांगते.
- राजेंद्र सूर्यवंशी चौकट - पोलिसांत तक्रार
प्रकल्पातून येणाऱ्या धुरातील चिकट द्रवामुळे वाहनांच्या काचावर डाग पडतात. कपड्यांवर पडले तर कपडे जळतात. त्याची तक्रार केली म्हणून माझ्यासह मुलांवर पोलिसांत तक्रार देऊन आम्हास मानसिक त्रास देण्याचा प्रयत्न याठिकाणी होत आहे. - सुभाष शेंडुरे फोटो - १५०२२०२१-जेएवाय-०४
फोटो ओळ - जैववैद्यकीय कचरा नष्ट करण्याच्या प्रकल्पामध्ये कचऱ्याचे विलगीकरण करून कचरा वेगवेगळ्या रंगाच्या पिशवीत भरून ठेवण्यात येतो. (छाया-घन:शाम कुंभार, यड्राव)