परीक्षा मंडळ, क्रीडा विभाग, इन्क्युबेशन सेंटर आणि मानव्यविद्या, विज्ञान व तंत्रज्ञान, वाणिज्य व व्यवस्थापन, आंतरविद्याशाखीय अधिष्ठाता या संविधानिक पदांच्या नियुक्तीची प्रक्रिया गेल्या दीड वर्षापासून रखडली आहे. या पदांच्या नियुक्तीची प्रक्रिया नव्याने राबविण्यास व्यवस्थापन परिषदेने मान्यता दिली. त्यातील परीक्षा मंडळ संचालक पदासाठी यापूर्वी झालेल्या प्रक्रियेतील मुलाखतीसाठी पात्र ठरलेल्या उमेदवारांना नव्याने अर्ज करावा लागणार आहे. राष्ट्रीय छात्र सेना (एनसीसी), क्रीडा आणि सांस्कृतिक विभागातील विद्यार्थ्यांना ग्रेस गुण देण्याबाबतचा प्रस्ताव कुलपती कार्यालयाला सादर करण्याची शिफारस या परिषदेने केली असल्याची माहिती कुलसचिव डॉ. विलास नांदवडेकर यांनी दिली. दरम्यान, विद्यापीठाच्या हिवाळी सत्रातील विविध २६ अभ्यासक्रमांची परीक्षा बुधवारी झाली. त्यासाठी एकूण २०७२८ विद्यार्थ्यांनी नोंदणी केली होती. त्यांपैकी २०३८२ जणांनी ऑनलाईन परीक्षा दिली, तर ३४६ विद्यार्थी अनुपस्थित राहिले.
चौकट
कोविड सेंटरबाबत प्रशासनाकडे मागणी
विद्यापीठातील अधिकारी आणि अधिविभाग, संलग्नित महाविद्यालयांतील विद्यार्थी, शिक्षक, कर्मचारी यांना कोरोनाच्या पार्श्वभूमीवर उपचारांची गरज भासल्यास विद्यापीठातील कोविड सेंटरमध्ये सुविधा उपलब्ध करून देण्याबाबत महानगरपालिकेचे उपायुक्त रविकांत आडसूळ यांच्याशी चर्चा करण्यात आली आहे. जिल्हा प्रशासनालादेखील पत्र पाठविण्यात येणार असल्याची माहिती डॉ. नांदवडेकर यांनी दिली.
चौकट
कुलसचिव नियुक्तीबाबतही मान्यता
विद्यमान कुलसचिवांचा कार्यकाळ नोव्हेंबरमध्ये पूर्ण होणार आहे. त्यापूर्वी पुढील कार्यकाळासाठी या पदाच्या नियुक्तीची प्रक्रिया पूर्ण व्हावी, या उद्देशाने व्यवस्थापन परिषदेने या पदाची नियुक्ती प्रक्रिया राबविण्यास मान्यता दिली.