तीन वर्षाच्या मुलीला अमानुष मारहाण : डोळयात मिरची पूडही टाकली सोशल मिडियावर व्हीडीओ व्हायरल

या घटनेचा व्हीडीओ सोशल मिडीयावर व्हायरल झाल्याने घटनेचे तीव्र पडसाद उमटले. व्हीडीओ समोर येताच पडघा पोलिस ठाण्यात गुन्हा दाखल केला आहे.

कल्याण : कल्याणनजीक तीन वर्षीय मुलीला एका महिलेने अमानुषपणे मारहाण केल्याचा व्हीडीओ सोशल मिडियावर व्हायरल झाला आहे. मारहाणीच्या वेळी महिलेने मुलीच्या डोळ्यात मिरची पूडही टाकली. या प्रकरणी पडघा पोलिस ठाण्यात मारहाण करणारी महिला दिलशाद शेख हिच्यासह अन्य दोन जणांविरोधात गुन्हा दाखल केला आहे.

बापगाव परिसरात दिलशाद शेख या राहतात. मारहाण केलेल्या ३ वर्षीय मुलीला तिने दत्तक घेतले आहे. या महिलेच्या शेजारी राहणाऱ्या अन्य एका महिलेस मुलगी मम्मा म्हणते. या गोष्टीचा राग मनात धरुन शेख हिने मुलीला अमानुषपणे मारहाण केली. तिच्या डोळ्यात मिरची पूड टाकली. या घटनेचा व्हीडीओ सोशल मिडीयावर व्हायरल झाल्याने घटनेचे तीव्र पडसाद उमटले. व्हीडीओ समोर येताच पडघा पोलिस ठाण्यात गुन्हा दाखल केला आहे.