प्रवाशाचा बळी घेणारा चोरटा व्हायरल व्हिडिओमुळे पकडला

धावत्या ट्रेनमध्ये एक प्रवासी सेल्फी काढत असताना एक चोर फटका मारताना त्याच्या मोबाईलमध्ये कैद झाला.

मुरलीधर भवार, कल्याण : धावत्या ट्रेनमध्ये एक प्रवासी सेल्फी काढत असताना एक चोर फटका मारताना त्याच्या मोबाईलमध्ये कैद झाला. व्हिडिओ व्हायरल होताच कल्याण रेल्वे पोलिसानी आकाश जाधव या चोरटयाला ताब्यात घेतले. आकाशकडे फटका मारुन चोरलेला मोबाईल सापडला. धक्कादायक म्हणजे ज्या व्यक्तिचा मोबाईल आकाशने चोरला होता. तो व्यक्ती त्याच दरम्यान ट्रेनमधून पडून त्याचा दुर्दैवी मृत्यू झाला प्रभास भणगे असे या मृत व्यक्तीचे नाव आहे. तो सरकारी बँकेत कामाला होता. पुण्याहून होळीच्या कार्यक्रमाकरीता मुंबईला आला होता. होळीचा कार्यक्रम आटोपून तो पुन्हा पुण्याला जाण्यासाठी निघाला असता ही दुर्दैवी घटना कल्याण विठ्ठलवाडी रेल्वे स्थानका दरम्यान घडली.

२५ मार्चला एक व्हिडिओ व्हायरल झाला होता. ज्यामध्ये जाहिद जैती नावाचा व्यक्ती इंटरसिटी एक्सप्रेसमध्ये प्रवास करताना तो दारात उभा राहून सेल्फी घेत होता. जाहिद सेल्फी व्हीडीओ घेत असताना एका चोरट्याने जाहिदच्या हातावर फटका मारुन मोबाईल हिसकावण्याचा प्रयत्न केला होता. जाहिदचा मोबाईल वाचला. त्याच्या  व्हिडीओत तो चोरटा कैद झाला होता. कल्याण रेल्वे पोलिसांनी लगेच त्या आरोपीला उल्हासनगरहून अटक केली. त्याचे नाव आकाश जाधव असे या चोरट्याचे नाव आहे. त्याच्याकडून आणखीन एक महागडा मोबाईल हस्तगत केला. मोबाईल बंद होता. जेव्हा चोरलेला हा माोबाईल सुरु करण्यात आला. तेव्हा माहिती पडले की, हा मोबाईल पुण्यात राहणारे प्रभास भणगे यांचा आहे. 

ज्यांचा २५ तारखेच्या मध्यरात्री कल्याण विठ्ठलवाडी रेल्वे स्थानका दरम्यान रेल्वेतून पडून मृत्यू झाला आहे. त्यांचे नातेवाईक कल्याण रेल्वे पोलिस ठण्यात उभे होते. वरिष्ठ पोलिस निरिक्षक पंढरीनाथ कांदे यांनी त्याच मोबाईलहून फोन केला तेव्हा माहिती पडले की, हा मोबाईल प्रभास भणगे यांचा आहे. आकाश याने तो मोबाईल फटका मारुन चोरला आहे. दुर्दैव म्हणजे आकाशने फटका मारला. तेव्हा प्रवासी प्रभास भणगे हे चालत्या ट्रेनमधून खाली पडले. ते गाडीच्या चाकाखाली आल्याने त्यांचा मृत्यू झाला.