लोकमत न्यूज नेटवर्ककल्याण : कारने दुचाकीला धडक दिल्यानंतर गंभीर जखमी दुचाकीस्वाराला मदत न करता पसार झालेल्या कार चालकाला दामिनी पोलिस पथकाच्या दोन महिला कर्मचाऱ्यांनी धाडस दाखवत एक किलोमीटर पाठलाग करून पकडले. तर जखमीला हॉस्पिटलमध्येही दाखल केले. ही घटना मंगळवारी सायंकाळी घडली.
दुचाकीचालक महेश एलमारे हे मुरबाड रोडवरून सुभाष चौकाच्या दिशेने जात होते. त्यावेळी कारची एलमारे यांच्या दुचाकीला जोरदार धडक बसली. यामुळे ते रस्त्यावर पडून गंभीर जखमी झाले. याचदरम्यान महात्मा फुले पोलिस ठाण्याच्या दामिनी पोलिस पथकाच्या महिला कर्मचारी संजना पावसकर आणि कोमल धनगर या गस्त घालत असताना त्यांची नजर या अपघाताकडे गेली. त्यांनी एक किलोमीटरचा पाठलाग करून कार चालक राजनसिंग चंदेल आणि त्याच्या साथीदाराला पकडले.
या दोन महिला पोलिस कर्मचाऱ्यांनी अपघातात जखमी झालेल्या एलमारे याला कल्याणच्या रुक्मिणीबाई हॉस्पिटलमध्ये दाखल केले. त्याच्या या कामगिरीेच कौतुक होत आहे.
Web Summary : In Kalyan, two Damini squad policewomen chased and caught a hit-and-run driver who injured a motorcyclist. The officers also ensured the victim was hospitalized, earning praise for their quick action and bravery.
Web Summary : कल्याण में, 'दामिनी' दस्ते की दो महिला पुलिसकर्मियों ने एक हिट-एंड-रन ड्राइवर का पीछा करके उसे पकड़ लिया, जिसने एक मोटरसाइकिल सवार को घायल कर दिया था। अधिकारियों ने यह भी सुनिश्चित किया कि पीड़ित को अस्पताल में भर्ती कराया जाए, उनकी त्वरित कार्रवाई और बहादुरी के लिए उनकी प्रशंसा की गई।