Video: काळजाचा ठोका चुकला! अंबरनाथ स्थानकात लोकल येत होती अन् अंध व्यक्ती थेट ट्रॅकवर कोसळला

Ambernath Local Train news: अंबरनाथ रेल्वे स्थानकावर मुंबई महापालिकेचे कर्मचारी असलेले सिद्धनाथ माने हे अंध असून संध्याकाळी ७ च्या सुमारास अंबरनाथहून कर्जतला जाणाऱ्या ट्रेनची वाट पाहत होते.

- पंकज पाटील

अंबरनाथ : प्लॅटफॉर्मचा अंदाज न आल्याने पाय घसरून एक अंध व्यक्ती रेल्वे रुळावर पडल्याची घटना अंबरनाथ रेल्वे स्थानकात घडली आहे. ही घटना सीसीटीव्हीत कैद झाली आहे. 

अंबरनाथ रेल्वे स्थानकावर मुंबई महापालिकेचे कर्मचारी असलेले सिद्धनाथ माने हे अंध असून संध्याकाळी ७ च्या सुमारास अंबरनाथहून कर्जतला जाणाऱ्या ट्रेनची वाट पाहत होते. लोकल आल्याची घोषणा झाली असता ते लोकल पकडण्यासाठी पुढे सरसावले. याचवेळी समोरून कर्जतकडे जाणारी लोकल देखील येत होती. मात्र माने यांना प्लॅटफॉर्मचा अंदाज न आल्याने ते थेट रेल्वे रुळावर कोसळले. 

अंबरनाथमध्ये बीएमसीचा अंध कर्मचारी रेल्वे ट्रॅकवर पडला #Ambernath#Mumbai#localtrainpic.twitter.com/HXfrr7glJn

— Lokmat (@lokmat) June 11, 2025

यावेळी कर्तव्यावर असलेले सुरक्षा जवान अमोल देवरे यांनी आपल्या जीवाची पर्वा न करता प्लॅटफॉर्मवरून रुळांवर उडी मारत दिव्यांगाचे प्राण वाचवले. यावेळी काही प्रवासी देखील त्यांच्या मदतीला धावले. ही संपूर्ण घटना सीसीटीव्हीत कैद झाली आहे.