सराईत चोरट्याला आंबिवलीच्या इराणी वस्तीतून फिल्मीसाईटने पोलिसांनी केली अटक; अटकेचा सगळा थरार सीसीटीव्हीत कैद

ठाण्यातील चितळसर परिसरातील पोलिस ठाण्यात अजिज याच्या विरोधात गुन्हा दाखल होता. अजिज इराणी याचा पोलिस शोध घेत होते. पोलिसांना माहिती मिळाली की अजिज हा आंबिवली येथील इराणी वस्तीत लपून बसला आहे.

कल्याण : कल्याणनजीक आंबिवलीतील इराणी वस्तीत छापा टाकला. या छाप्याच्या दरम्यान ठाण्यातील एका लूट प्रकरणात फरार असलेल्या सराईत चोरट्याला अजिज इराणी याला पोलिसांनी बेड्या ठोकल्या. अजिजला अटक करण्याचा सगळा थरार सीसीटीव्हीत कैद आहे. फिल्मी स्टाईलने पोलिसांनी त्याला अटक केली आहे. यापूर्वीही अशा प्रकारे इराणी वस्तीतून आरोपींना अटक केली आहे. यावेळी आरोपींच्या नातेवाईकांकडून पोलिसांवर हल्लेही करण्यात आले आहे.

ठाण्यातील चितळसर परिसरातील पोलिस ठाण्यात अजिज याच्या विरोधात गुन्हा दाखल होता. अजिज इराणी याचा पोलिस शोध घेत होते. पोलिसांना माहिती मिळाली की अजिज हा आंबिवली येथील इराणी वस्तीत लपून बसला आहे. चितळसर पोलिसांनी खडकापाडा पोलिसांशी संपर्क साधला. दोन्ही पोलिसांनी आंबिवलीतील इराणी वस्ती गाठली.

अजिज इराणी त्याठिकाणी पोलिसाना दिसला. पोलिस पकडण्यासाठी आल्याचे कळताच अजिज पळून जाऊ लागला. पोलिसांनी त्याचा पाठलाग करुन फिल्मी स्टाईलने जेरबंद केले. या अटकेच्या घटनेचा सगळा थरार सीसीटीव्हीत कैद करण्यात आला आहे.