लोकमत न्यूज नेटवर्क, कल्याण : कल्याण-डोंबिवली पालिकेने मालमत्ता कराची वसुली सुरु केली आहे. कल्याण पश्चिमेतील सर्वोदय सागर या इमारतीमधील ११२ सदनिकाधारकांपैकी १० जणांनी मालमत्ता कर भरलेला नाही. त्याची शिक्षा १०२ रहिवाशांना भोगावी लागली आहे. ‘क’ प्रभाग कार्यालयाने इमारतीचा पाणीपुरवठा खंडित केला आहे. या सक्तीच्या कारवाई विरोधात रहिवाशांनी संताप व्यक्त केला आहे.
रहिवासी अशरफ शेख यांनी सांगितले की, ९० टक्के रहिवाशांनी त्यांचा मालमत्ता कर भरला आहे. १० टक्के जणांनी कर भरलेला नाही. त्याची शिक्षा आम्हाला का ? असा संतप्त सवाल केला आहे. पालिकेने इमारतीचा पाणीपुरवठा बंद करताना रहिवाशांना कोणतीही पूर्वसूचना दिली नाही.
बँका बंद असल्यामुळे कर भरता आला नाही
सलग सुट्ट्यांमुळे बँका बंद होत्या. त्यामुळे काही रहिवाशांना तत्काळ कर भरणे शक्य नव्हते. तरीही अधिकाऱ्यांनी कोणतीही मुभा न देता पाणीपुरवठा बंद केला. रहिवाशांनी सांगितले की, आम्ही नियमित कर भरताे.
तरी आम्हाला अशी वागणूक प्रशासनाकडून देण्यात आली. पाणीपुरवठा खंडित करणाऱ्या संबंधित अधिकाऱ्यांवर कारवाई झाली पाहिजे. अन्यथा आम्ही रास्ता रोको करू, असा इशारा रहिवाशांनी दिला आहे.
Web Summary : Kalyan-Dombivli residents face collective punishment for tax defaulters. Water supply cut to 102 homes due to 10 residents not paying property tax. Angered residents threaten protests, citing bank closures as a reason for delay and demanding action against officials.
Web Summary : कल्याण-डोंबिवली में कर चूककर्ताओं के लिए सामूहिक सजा। संपत्ति कर का भुगतान न करने वाले 10 निवासियों के कारण 102 घरों की पानी की आपूर्ति काटी गई। नाराज निवासियों ने विरोध प्रदर्शन की धमकी दी, बैंक बंद होने को देरी का कारण बताया और अधिकारियों के खिलाफ कार्रवाई की मांग की।